ଭୁବନେଶ୍ବର:ପିପିଲି ଉପ-ନିର୍ବାଚନରେ ବିଜୟ ହାସଲ କରିଛନ୍ତି ବିଜେଡି ପ୍ରାର୍ଥୀ ରୁଦ୍ର ମହାରଥୀ । ପ୍ରାୟ 21 ହଜାର ଭୋଟ ବ୍ୟବଧାନରେ ବିଜେପି ପ୍ରାର୍ଥୀଙ୍କୁ ହରାଇଛନ୍ତି ରୁଦ୍ର । ବିଜୟ ପରେ ଦଳ ଭୋଟ ବ୍ୟବଧାନ ନେଇ ସମୀକ୍ଷା କରୁଛି ବିଜେଡି । ତେବେ ପ୍ରଚାରରେ ଦଳର ସଭାପତି ନବୀନ ପଟ୍ଟନାୟକ ଯାଇଥିଲେ, ବ୍ୟବଧାନ ଆହୁରି ବଢ଼ିଥାନ୍ତା ବୋଲି ଯୁକ୍ତି ବାଢ଼ିଛନ୍ତି ବରିଷ୍ଠ ବିଜେଡି ବିଧାୟକ।
ନବୀନ ବାବୁ ପ୍ରଚାର କରିଥିଲେ ଆହୁରୀ ବଢ଼ିଥାନ୍ତା ପିପିଲି ଭୋଟ ବ୍ୟବଧାନ
ବିଜେଡିର ବରିଷ୍ଠ ନେତା ଦେବୀ ମିଶ୍ର କହିଛନ୍ତି ଯେ, ବିଜୟ ଲାଗି ଦଳ ପ୍ଲାନ କରିଥିଲା । ଯୋଜନା ମୁତାବକ ଦଳ ପ୍ରଚାର କରିଥିଲା । ବିଜୟ ଲାଗି ଦଳ ପିପିଲିବାସୀଙ୍କୁ ଧନ୍ୟବାଦ ଜଣାଇଛି । ‘ପିପିଲି’ରେ ଲୋକାଭିମୁଖୀ କାମ ପ୍ରତି ଜନସାଧାରଣଙ୍କ ସମର୍ଥନକୁ ଦର୍ଶାଉଛି ବୋଲି ସେ କହିଛନ୍ତି । ନବୀନ ପଟ୍ଟନାୟକଙ୍କ ନେତୃତ୍ବ ପ୍ରତି ଜନସାଧାରଣଙ୍କ ଆର୍ଶୀବାଦ ବୋଲି କହିଛନ୍ତି । ଯଦି ପ୍ରଚାରକୁ ବିଜେଡି ସଭାପତି ଯାଇଥାନ୍ତେ, ତେବେ ବ୍ୟବଧାନ ଆହୁରି ବଡ଼ ହୋଇଥାନ୍ତା ବୋଲି ଦେବୀ କହିଛନ୍ତି ।