ଭୁବନେଶ୍ବର: ଭୁବନେଶ୍ବର ସଫେଇ କର୍ମଚାରୀଙ୍କ ସମସ୍ୟା ନେଇ ଜାତୀୟ ସଫେଇ କର୍ମଚାରୀ କମିଶନ କ୍ଷୁବ୍ଧ। ସ୍ମାର୍ଟସିଟିକୁ ସଫା ସୁତୁରା ରଖୁଥିବା ସଫେଇ କର୍ମଚାରୀଙ୍କ ଆର୍ଥିକ, ପାରିବାରିକ ଏବଂ ସାମାଜିକ ସ୍ଥିତି କାହିଁକି ଦୁର୍ବଳ ଏବଂ ବିଏମସି ପ୍ରଶାସନ କାହିଁକି ପଦକ୍ଷେପ ନେଇନି ସେ ନେଇ ପ୍ରଶ୍ନ କରିଛନ୍ତି ଜାତୀୟ ସଫେଇ କର୍ମଚାରୀ କମିଶନ। ମଙ୍ଗଳବାର ବିଏମସିରେ ସମୀକ୍ଷା ବୈଠକ ଅବସରରେ ଦିଲ୍ଲୀରୁ ଆସିଥିବା ଜାତୀୟ ସଫେଇ କର୍ମଚାରୀ କମିଶନଙ୍କ 3 ଜଣିଆ ଟିମ୍ ଏନେଇ ଆଲୋଚନା କରିଛନ୍ତି ।
ବିଭିନ୍ନ ସମସ୍ୟା ଭିତରେ ଗତି କରୁଛନ୍ତି ସ୍ମାର୍ଟସିଟିର ସଫେଇ କର୍ମଚାରୀ। ସହରକୁ ପରିଷ୍କାର ପରିଚ୍ଛନ ରଖିବା ପାଇଁ ପ୍ରାୟ 5 ହଜାର ସଫେଇ କର୍ମଚାରୀ ସଫେଇ କାର୍ଯ୍ୟରେ ନିୟୋଜିତ ଥିବାବେଳେ ସେମାନଙ୍କ ମଧ୍ୟରୁ 4 ହଜାରରୁ ଅଧିକ କର୍ମଚାରୀ ଠିକା ଭାବେ ନିଯୁକ୍ତି ପାଇଛନ୍ତି। ଏମାନେ କାମ କଲେ ଦରମା ନକଲେ ଦରମା କଟା ହେଉଛି ବୋଲି ଜାତୀୟ ସଫେଇ କମିଶନ ଆଗରେ ଅଭିଯୋଗ ହୋଇଛି।
ଜାତୀୟ ସଫେଇ କମିଶନଙ୍କ ସମୀକ୍ଷା ବୈଠକ, ସଫେଇ କର୍ମଚାରୀଙ୍କ ସମସ୍ୟା ନେଇ କ୍ଷୁବ୍ଧ