ଭୁବନେଶ୍ବର : ଜାତୀୟ ସାମ୍ବାଦିକତା ଦିବସରେ ସୂକ୍ଷ୍ମ କଳାକୃତିରେ ସାମ୍ବାଦିକଙ୍କୁ ଶୁଭେଚ୍ଛା ଜଣାଇଲେ ଶିଳ୍ପୀ ପ୍ରିୟଙ୍କା ସାହାଣୀ । ବିଭିନ୍ନ ସାମଗ୍ରୀରେ ଓଡ଼ିଶାର ସମସ୍ତ ଓଡ଼ିଆ ନ୍ୟୁଜ୍ ଚ୍ୟାନେଲର ବୁମ୍ ତିଆରି କରି ଚର୍ଚ୍ଚାରେ ଭୁବନେଶ୍ବରର ପ୍ରିୟଙ୍କା ସାହାଣୀ । ପ୍ରିୟଙ୍କା ପେସାରେ ଜଣେ ସଫ୍ଟଓ୍ବେର ଇଞ୍ଜିନିୟର ହୋଇଥିବା ବେଳେ ନିଶାରେ ଜଣେ ଶିଳ୍ପୀ । ବିଭିନ୍ନ ସମୟରେ କାରୁକାର୍ଯ୍ୟ କରି ଲୋକ ଲୋଚନରେ ପ୍ରଶଂସା ସାଉଁଟି ଥିବା ପ୍ରିୟଙ୍କା ସମ୍ବାଦିକତା ଦିବସରେ ସୁକ୍ଷ୍ମ କଳାକୃତି ସାମ୍ବାଦିକମାନଙ୍କୁ ଉତ୍ସାହିତ କରିଛନ୍ତି ।
ଇୟର ବଡ, କାର୍ଡ ବୋର୍ଡ, ଆକ୍ରିଲିକ୍, ଅଠା ଏବଂ ମଇଦା ବ୍ୟବହାର କରି ୫୦ ରୁ ଉର୍ଦ୍ଧ୍ବ ବୁମ୍ ତିଆରି କରି ସମ୍ବାଦିକମାନଙ୍କୁ ଶୁଭେଚ୍ଛା ଜଣାଇଛନ୍ତି । ମାତ୍ର ୨ ଘଣ୍ଟା ମଧ୍ୟରେ ଏହି କଳାକୃତି କରିବା ସହ ଘରେ ତାକୁ ପ୍ରଦର୍ଶିତ କରିଛନ୍ତି ପ୍ରିୟଙ୍କା । ସବୁବେଳେ କିଛି ନା କିଛି କଳାକୃତି କରିବା ପାଇଁ ପସନ୍ଦ କରୁଥିବା ପ୍ରିୟଙ୍କାଙ୍କୁ ଟିଭି ବୁମ ପ୍ରତି ଦୁର୍ବଳତା ରହିଥିବା ବେଳେ ସେ ସାମ୍ବାଦିକ ମାନଙ୍କୁ ବେଶ୍ ସମ୍ମାନ କରନ୍ତି ବୋଲି କହିଛନ୍ତି । ସାମ୍ବାଦିକମାନେ ବିଭିନ୍ନ ପ୍ରତିକୂଳ ପରିସ୍ଥିତିରେ ମଧ୍ୟ ସମ୍ବାଦ ପରିବେଶଣ କରିବାକୁ ଭୁଲନ୍ତି ନାହିଁ ।