ପୁରୀ: ଗତ ମାସରେ ମାଲେସିଆ ଜାହାଜ ଅଚଳ ହୋଇ ପୁରୀ ଉପକୂଳ ଚିଲିକା ଠାରେ ଲାଗିଥିଲା । ଦୀର୍ଘଦିନ ଧରି ଜାହଜଟି ଉପକୂଳରେ ରହିବା ପରେ ତେଲ କଢାଯାଇ ଜାହାଜକୁ ସ୍ଥାନାନ୍ତର କରାଯାଇଛି । ତେବେ ଜାହଜରୁ ତେଲ ନିର୍ଗତ ହେବା ମାମଲାକୁ ଗୁରୁତ୍ବର ସହ ନେଇଛନ୍ତି ଜାତୀୟ ମାନବିକ ଅଧିକାର କମିଶନ |
ଏହି ମାମଲାରେ କେନ୍ଦ୍ର ଜାହଜ ଚଳାଚଳ ମନ୍ତ୍ରଣାଳୟ ସଚିବ, ପୁରୀ ଜିଲ୍ଲାପାଳ ଓ ଏସପିଙ୍କୁ ନୋଟିସ ଜାରି କରି ଏ ନେଇ କି କାର୍ଯ୍ୟନୁଷ୍ଠାନ ନିଆଯାଇଛି, ତାହା ଚାରି ସପ୍ତାହ ମଧ୍ୟରେ ଜଣାଇବାକୁ ନିର୍ଦ୍ଦେଶ ଦେଇଛନ୍ତି କମିଶନ | ମାନବଧିକାର କର୍ମୀ ଅଖଣ୍ଡଙ୍କ ଅଭିଯୋଗ ଅଧାରରେ ଏନଏଚଆରସି ନିର୍ଦ୍ଦେଶ ଜାରି କରିଛନ୍ତି ।