ଭୁବନେଶ୍ବର:ଉଦଘାଟିତ ହେଲା ଜାତୀୟ ହସ୍ତତନ୍ତ ମେଳା 2021 । ବୟନିକା ପକ୍ଷରୁ ପ୍ରଦର୍ଶନୀ ପଡିଆରେ ଆୟୋଜିତ କରାଯାଇଛି ଏହି ମେଳା । ଓଡିଶା ସମେତ 17 ଟି ରାଜ୍ୟର ବୁଣାକାର ଏହି ମେଳାରେ ସାମିଲ ହୋଇଛନ୍ତି । ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା ଏବଂ ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ଏହି ମେଳାର ଶୁଭ ଉଦଘାଟନ କରିଛନ୍ତି।
ଜାତୀୟ ହସ୍ତତନ୍ତ ମେଳା 2021 ଉଦଘାଟିତ
ରାଜ୍ୟ ତଥା ରାଜ୍ୟ ବାହାରୁ ଆସିଥିବା ବୁଣାକାରଙ୍କର 134 ଟି ଷ୍ଟଲ ମେଳାରେ ପ୍ରଦର୍ଶିତ ହୋଇଛି । ସଥିମଧ୍ୟରେ ରାଜ୍ୟର 84ଟି ଷ୍ଟଲ ରହିଥିବା ବେଳେ ରାଜ୍ୟ ବାହାରର 50 ଷ୍ଟଲ ପ୍ରଦର୍ଶିତ ହୋଇଛି । ଏହି ମେଳା ଫେବୃଆରୀ 17 ତାରିଖ ପର୍ଯ୍ୟନ୍ତ ଚାଲିବ । ମେଳା ପୂର୍ବାହ୍ନ 11ଟାରୁ ଆରମ୍ଭ ହୋଇ ରାତି 9.30ଟା ପର୍ଯ୍ୟନ୍ତ ଚାଲିବ । ହସ୍ତତନ୍ତ ମେଳାରେ ସମ୍ବଲପୁରୀ ଶାଢ଼ୀ ଠାରୁ ଆରମ୍ଭ କରି ବ୍ରହ୍ମପୁରର ପାଟ ଶାଢ଼ୀ ପ୍ରଦର୍ଶିତ ହେଉଛି। ମେଳା ଉଦଘାଟିତ ହେବାପରେ ମନ୍ତ୍ରୀ ଅଶୋକ ପଣ୍ଡା ହସ୍ତଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ଏହି ମେଳାର ବିଭିନ୍ନ ଷ୍ଟଲ ବୁଲି ଦେଖିଥିଲେ।