ପଶି ଆସିଲେ ବଣୁଆ ହାତୀ, ପର୍ଯ୍ୟଟକଙ୍କ ପାଇଁ ନନ୍ଦନକାନନ ସାମୟିକ ବନ୍ଦ

ନନ୍ଦନକାନନ ପ୍ରାଣୀ ଉଦ୍ୟାନରେ ପଶିଲେ ବଣୁଆ ହାତୀ । ୨ଟି ବଣୁଆ ହାତୀ ନନ୍ଦନକାନନରେ ପଶିବା ପରେ ନନ୍ଦନକାନନକୁ ସାମୟିକ ପାଇଁ ବନ୍ଦ ରଖାଯାଇଛି । ଅଧିକ ପଢନ୍ତୁ

ଭୁବନେଶ୍ବର: ନନ୍ଦନକାନନ ପ୍ରାଣୀ ଉଦ୍ୟାନରେ ପଶିଲେ ବଣୁଆ ହାତୀ । ୨ଟି ବଣୁଆ ହାତୀ ନନ୍ଦନକାନନରେ ପଶିବା ପରେ ନନ୍ଦନକାନନକୁ ସାମୟିକ ପାଇଁ ବନ୍ଦ ରଖାଯାଇଛି । ହାତୀକୁ ଘଉଡ଼ାଇବା ପାଇଁ ନନ୍ଦନକାନନ କର୍ମଚାରୀ ଉଦ୍ୟମ ଜାରି ରଖିଛନ୍ତି । ସୂଚନାଅନୁସାରେ, ଆଜି(ବୁଧବାର) ନନ୍ଦନକାନନ ପ୍ରାଣୀ ଉଦ୍ୟାନରେ ୨ଟି ବଣୁଆ ହାତୀ ପଶିଛନ୍ତି । ଦାରୁଠେଙ୍ଗ ପଟ ପାଚେରୀ ଭାଙ୍ଗି ହାତୀ ନନ୍ଦନକାନନ ଭିତରକୁ ପ୍ରବେଶ କରିଛନ୍ତି ।

ତେବେ ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି ନନ୍ଦନକାନନକୁ ସାମୟିକ ଭାବେ ବନ୍ଦ କରାଯାଇଛି । ୨ଟି ହାତୀକୁ ଘଉଡ଼ାଇବା ପାଇଁ ନନ୍ଦନକାନନ କର୍ମଚାରୀ ଉଦ୍ୟମ ଜାରି ରଖିଛନ୍ତି । ହାତୀ ଘଉଡାଇବାକୁ ନନ୍ଦନକାନନ ଓ ଚନ୍ଦକା ବନ୍ୟପ୍ରାଣୀ ବିଭାଗ କର୍ମଚାରୀ ନିୟୋଜିତ ହୋଇଛନ୍ତି । ସେମାନେ ହାତୀ ଗତିବିଧି ଉପରେ ନଜର ରଖିଛନ୍ତି । ସେପଟେ ହାତୀ ପାଇଁ ନନ୍ଦନକାନନ ବନ୍ଦ ରହିବ କିନ୍ତୁ ବଟାନିକାଲ ଗାର୍ଡେନ୍ ଖୋଲା ରହିବ ବୋଲି ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ