ଭୁବନେଶ୍ବର: ରାଜ୍ୟରେ ଗଣମାଧ୍ୟମ ପ୍ରତି ସରକାରଙ୍କ ଆକ୍ରମଣ ଦିନକୁ ଦିନ ବୃଦ୍ଧି ପାଉଥିବା ଅଭିଯୋଗ କରିଛି ନବ ନିର୍ମାଣ କୃଷକ ସଙ୍ଗଠନ । ଏହାର ପ୍ରତିବାଦରେ ରାଜରାସ୍ତାକୁ ଓହ୍ଲାଇଛି ସଙ୍ଗଠନ । ରାଜ୍ୟସରକାର ଓ ପୋଲିସ ପ୍ରଶାସନ ପକ୍ଷରୁ ରାଜ୍ୟର ଏକ ପ୍ରତିଷ୍ଠିତ ଗଣମାଧ୍ୟମ ଓ ଏହାର କର୍ମଚାରୀଙ୍କୁ ବିଭିନ୍ନ ଆଳରେ ନିର୍ଯ୍ୟାତନା ଦିଆଯାଉଛି, ଯାହାକି ଅତି ନିନ୍ଦନୀୟର ବିଷୟ।
ଧାରଣାରେ ନବନିର୍ମାଣ କୃଷକ ସଂଗଠନ
ଗଣତନ୍ତ୍ର ରାଷ୍ଟ୍ରରେ ସମସ୍ତଙ୍କର ମର୍ଯ୍ୟାଦାର ସହ କାର୍ଯ୍ୟ କରିବାର ଅଧିକାର ଅଛି। ତେବେ ରାଜ୍ୟରେ କାର୍ଯ୍ୟରତ ଗଣମାଧ୍ୟମ କର୍ମଚାରୀମାନେ ସରକାରଙ୍କ ଦୁର୍ନୀତି ଓ ଅପାରଗତା ବିରୁଦ୍ଧରେ ପ୍ରଶ୍ନ କରିବାରୁ ତାଙ୍କୁ ହଇରାଣ କରାଯାଉଛି ବୋଲି ସଙ୍ଗଠନ ଅଭିଯୋଗ କରିଛି । ତେଣୁ ଚାଷ ଓ ଚାଷୀଙ୍କ ସ୍ବାର୍ଥ ପାଇଁ ଲଢୁଥିବା ନବ ନିର୍ମାଣ କୃଷକ ସଙ୍ଗଠନ ଏନେଇ ସରକାରଙ୍କୁ ସତର୍କ କରାଇବା ସହ ସମ୍ବିଧାନର ମର୍ଯ୍ୟାଦା ରକ୍ଷା କରି ଶାଳୀନତାର ସହ କାର୍ଯ୍ୟ କରିବାକୁ ନିବେଦନ କରିଛନ୍ତି।