ଭୁବନେଶ୍ବର: ମୁମ୍ବାଇ ଉପକୂଳରେ କ୍ରୁଜ ବୋଟରେ ଚାଲିଥିବା ରେଭ ପାର୍ଟିରେ ଡ୍ରଗ୍ସ ଲିଙ୍କ ଅଭିଯୋଗରେ ଗିରଫ ହୋଇଥିବା ରାଉରକେଲାର ଯୁବକ ମନିଷ ରାଜଗରିଆଙ୍କ ବାପାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ତାଙ୍କ ପୁଅ ଘଟଣାରେ ସମ୍ପୃକ୍ତ ନଥିବା ସହ ଅଭିନେତା ସାହାରୁଖ ଖାନଙ୍କ ପୁଅ ଆର୍ୟାନଙ୍କ ସହ ତାଙ୍କ ପୁଅର କୌଣସି ସମ୍ପର୍କ ନଥିବା କହିଛନ୍ତି ଗିରଫ ମନିଷଙ୍କ ବାପା ।
ମୁମ୍ବାଇ ଡ୍ରଗ୍ସ ପାର୍ଟିରେ ଓଡିଆ ଯୁବକ ଗିରଫ ଘଟଣା, ସମ୍ପୃକ୍ତିକୁ ଖଣ୍ଡନ କଲେ ଯୁବକଙ୍କ ବାପା
ମନିଷ ଜଣେ ବନ୍ଧୁଙ୍କ ବ୍ୟାଚେଲର ପାର୍ଟିରେ ଯୋଗଦେବା ପାଇଁ ରାଉରକେଲାରୁ ମୁମ୍ବାଇ ଯାଇଥିଲେ। ଉକ୍ତ କ୍ରୁଜ ବୋଟରେ ରେଭପାର୍ଟି ନୁହେଁ ବରଂ ବ୍ୟାଚେଲର ପାର୍ଟିରେ ସାମିଲ ହୋଇଥିଲେ ସେ । ତାଙ୍କ ନିକଟରୁ କିଛି ଡ୍ରଗ୍ସ ସମ୍ପର୍କିତ ଦ୍ରବ୍ୟ ଜବତ ହୋଇ ନଥିବାବେଳେ ଏହା ଏକ ହାଇ ପ୍ରୋଫାଇଲ ଘଟଣା ହୋଇଥିବାରୁ ତାଙ୍କ ପୁଅକୁ ଏଥିରେ ଫସାଯାଇଛି ବୋଲି କହିଛନ୍ତି ଗିରଫ ଯୁବକଙ୍କ ବାପା ।