ରାଜ୍ୟ ଏମଏସଏମଇ ମେଳା ଉଦଘାଟିତ; ବିଦେଶୀ ପ୍ରତିନିଧି ହୋଇଛନ୍ତି ସାମିଲ

ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗକୁ ପ୍ରତ୍ସୋହନ ଦେବା ନିମନ୍ତେ ଭୁବନେଶ୍ବରରେ ଆରମ୍ଭ ହୋଇଛି ଆନ୍ତର୍ଜାତୀୟ ବାଣିଜ୍ୟ ମେଳା ୨୦୨୦ । ମେଳାରେ ସାମିଲ ହୋଇଛନ୍ତି ବିଦେଶୀ ପ୍ରତିନିଧି ।

ଭୁବନେଶ୍ବର: ଓଡିଶା ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଆନ୍ତର୍ଜାତୀୟ ବାଣିଜ୍ୟ ମେଳା ୨୦୨୦ ଆରମ୍ଭ ହୋଇଛି । ମେଳାକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ମେଳା ଭୁବନେଶ୍ବର ସ୍ଥିତ IDCOL ପ୍ରଦର୍ଶନୀ ପଡିଆ ଠାରେ ବୁଧବାର ଠାରୁ ଆରମ୍ଭ ହୋଇ ୧୨ ତାରିଖ ପର୍ଯ୍ୟନ୍ତ ଚାଲିବ । ଚଳିତ ବର୍ଷ ୪ଟି ହ୍ୟାଙ୍ଗରରେ ସମୁଦାୟ ୨୮୦ଟି ଷ୍ଟଲ ପ୍ରଦର୍ଶିତ ହୋଇଛି । ଚଳିତ ବର୍ଷ ବିଷୟବସ୍ତୁ ରହିଛି ‘ଫୋକସ ଏମଏସଏମଇ @୨୦୨୦’ ଏହି ମେଳା ରେ ବାଙ୍ଗଳାଦେଶରୁ ୧୦ ଜଣ ଏବଂ ଇରାନରୁ ୨୨ ଜଣ ପ୍ରତିନିଧ ସାମିଲ ହୋଇଛନ୍ତି ।

ପ୍ରତିନିଧି ମଣ୍ଡଳୀ ଅଣୁ , କ୍ଷୁଦ୍ର ଓ ମଧ୍ୟମ ଉଦ୍ୟୋଗକୁ ପ୍ରୋତ୍ସାହନ ଦେବା ନିମନ୍ତେ ଓଡିଶାର ଉଦ୍ୟୋଗୀ ମାନଙ୍କ ସହିତ ଆଲୋଚନାଚକ୍ରରେ ଅଂଶ ଗ୍ରହଣ କରିବେ । ଏହି ମେଳାରେ ଶିଳ୍ପ, ଶକ୍ତି, MSME, ଓ ଗୃହରାଷ୍ଟ୍ର ବିଭାଗୀୟ ମନ୍ତ୍ରୀ ଦିବ୍ୟ ଶଙ୍କର ମିଶ୍ର, ଓଡିଶା କ୍ଷୁଦ୍ର ଶିଳ୍ପ ନିଗମର ଅଧକ୍ଷ ଚିନ୍ମୟ ସାହୁ, MSME ବିଭାଗୀୟ ସଚିବ ହେମନ୍ତ ଶର୍ମା ପ୍ରମୁଖ ଉପସ୍ଥିତ ରହି ମେଳାର ଉଦଘାଟନ କରିବା ସହ ଲୋଗ ଓ ବୁକଲେଟ ଉନ୍ମୋଚନ କରିଥିଲେ I

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ