ଭୁବନେଶ୍ବର: ରାଜ୍ୟସଭା ବିଜେଡି ସଂସଦୀୟ ଦଳ ନେତା ନିଯୁକ୍ତ ହେଲେ ସସ୍ମିତ ପାତ୍ର । ନିଯୁକ୍ତ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେଡି ଚିଫ ହୁଇପ ଭାବେ ନିଯୁକ୍ତ ହେଲେ ନବ ନିର୍ବାଚିତ ସାଂସଦ ସୁଲତା ଦେଓ । ଏନେଇ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ବିଜ୍ଞପ୍ତି ଜରିଆରେ ସୂଚନା ଦେଇଛନ୍ତି ।
ପ୍ରସନ୍ନ ଆଚାର୍ଯ୍ୟଙ୍କ କାର୍ଯ୍ୟକାଳ ଶେଷ ହେବା ପରେ ପରବର୍ତ୍ତୀ ବିଜେଡି ରାଜ୍ୟସଭା ସଂସଦୀୟ ଦଳ ନେତା କିଏ ହେବେ ସେ ନେଇ ଚର୍ଚ୍ଚା ଲାଗି ରହିଥିଲା । ଶେଷରେ ଯୁବ ଓ ଦକ୍ଷ ନେତୃତ୍ୱକୁ ଭରସା କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଦ୍ଵିତୀୟ ଥର ଲାଗି ରାଜ୍ୟସଭାକୁ ନିର୍ବାଚତ ହୋଇଥିବା ସସ୍ମିତ ପାତ୍ରଙ୍କୁ ରାଜ୍ୟସଭା ନେତୃତ୍ୱ ଦେଇଛନ୍ତି ନବୀନ ।