ଭୁବନେଶ୍ବର: ଓଡିଶାର ଗଣପର୍ବ କୁହାଯାଉଥିବା ରଜ ପର୍ବ ଉପଲକ୍ଷେ ଓଡିଶାବାସୀଙ୍କୁ ଶୁଭେଚ୍ଛା ଜଣାଇଲେ ସାଂସଦ ଅପରାଜିତା ଷଡଙ୍ଗୀ। ମହାମାରୀ କୋରୋନା ଯୋଗୁଁ ବିଗତ ବର୍ଷ ଠାରୁ ଚଳିତବର୍ଷ ଭିନ୍ନ ଥିବାରୁ ଏଥର ଲୋକମାନେ ସୁସ୍ଥ ରହିବା ଅତ୍ୟନ୍ତ ଆବଶ୍ୟକ ରହିଛି। ଏହି ଅଵସରରେ ଭୁବନେଶ୍ବର ସାଂସଦ ଅପରାଜିତା ଷଢଙ୍ଗୀ ରାଜ୍ୟବାସୀଙ୍କୁ ରଜ ମହୋତ୍ସରେ ଶୁଭେଚ୍ଛା ଜଣାଇବା ସହ ସରକାରଙ୍କ ନିର୍ଦ୍ଦେଶନାମା ପାଳନ କରିବାକୁ କହିଛନ୍ତି ।
ଶୁଭେଚ୍ଛା ଜଣାଇଲେ ଅପରାଜିତା
ଏହାସହ ସମସ୍ତଙ୍କୁ ଘରେ ରହି ପରିବାର ସହ ସମୟ କାଟିବାକୁ ଅପରାଜିତା ପରାମର୍ଶ ଦେଇଛନ୍ତି। କାରଣ ଏହି ଅସମୟରେ ଆମକୁ ଅଧିକ ସତର୍କ ଓ ସାବଧାନତା ଅବଲମ୍ବନ କରିବାକୁ ପଡିବ। କୋରୋନା ମହାମାରୀ ଚାଲିଗଲେ ଆସନ୍ତାବର୍ଷକୁ ଧୁମଧାମରେ ପାଳନ କରିହେବ। କିନ୍ତୁ ସେଥିପାଇଁ ଜୀବନ ବଞ୍ଚାଇ ରଖିବା ଆବଶ୍ୟକ ବୋଲି ସାଂସଦ କହିଛନ୍ତି।