ଟୀକାକରଣ କେନ୍ଦ୍ର ବୁଲି ଦେଖିଲେ ଅପରାଜିତା

ଭୁବନେଶ୍ୱର ଲୋକସଭା କ୍ଷେତ୍ରର ବିଭିନ୍ନ ନିର୍ବାଚନମଣ୍ଡଳୀରେ ଟୀକାକରଣ କେନ୍ଦ୍ର ପରିଦର୍ଶନ କଲେ ସାଂସଦ ଅପରାଜିତା । କୋଭିଡ ପ୍ରୋଟୋକଲ ପାଳନ ନେଇ କଲେ ସମୀକ୍ଷା । ଅଧିକ ପଢନ୍ତୁ...

ଭୁବନେଶ୍ୱର: ଟୀକାକରଣ କେନ୍ଦ୍ର ବୁଲିଲେ ଅପରାଜିତା । ଭୁବନେଶ୍ବର ସାଂସଦ ତଥା ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ଶୁକ୍ରବାର ଜୟଦେବ ନିର୍ବାଚନ ମଣ୍ଡଳୀରେ ବାଲିପାଟଣା ବ୍ଲକ ଅଠାନ୍ତର ପଞ୍ଚାୟତ କୋଭିଡ ଟୀକାକରଣ କେନ୍ଦ୍ର ପରିଦର୍ଶନ କରି ବିଭିନ୍ନ ସୁବିଧା ଅସୁବିଧା ବିଷୟରେ ପଚାରି ବୁଝିଛନ୍ତି । ଟୀକାକରଣ କେନ୍ଦ୍ର କିଭଳି ପ୍ରସ୍ତୁତି ରହିଛି, କୋଭିଡ ପ୍ରୋଟୋକଲ ପାଳନ ହେଉଛି କି ନାହିଁ ସେନେଇ ସ୍ଥିତି ତଦାରଖ କରିବା ସହ ସ୍ଥାନୀୟ ପ୍ରଶାସନ ସହ ସାଂସଦ ଆଲୋଚନା କରିଛନ୍ତି ।

ଟୀକାକରଣ କେନ୍ଦ୍ର ବୁଲିଲେ ଅପରାଜିତା

ଏହି ଅବସରରେ ଗୋଷ୍ଠୀ ଉନୟନ ଅଧିକାରୀ, ଡାକ୍ତର, ସ୍ୱାସ୍ଥ୍ୟକର୍ମୀ ଏବଂ ସ୍ଥାନୀୟ ନେତୃବୃନ୍ଦ ଉପସ୍ଥିତ ଥିଲେ । ଜନ ସାଧାରଣଙ୍କ ସୁବିଧା ପାଇଁ ଦଳ ମତ ନିର୍ବିଶେଷରେ ସମସ୍ତେ ମିଳି ମିଶି ସହଯୋଗ କରିବା ପାଇଁ ସାଂସଦ ସମସ୍ତଙ୍କୁ ନିବେଦନ କରିଛନ୍ତି ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ