ଭୁବନେଶ୍ବର: ଲେଡିଜ ଡ୍ରେସରେ ଘରେ ପଶିଲେ ପଡୋଶୀ ଯୁବକ । ଶୈଳଶ୍ରୀ ବିହାରରେ ମା’ ଓ ଝିଅଙ୍କୁ ଛୁରୀରେ ଆକ୍ରମଣ କରିଛନ୍ତି ଜଣେ ଲେଡିସ ଡ୍ରେସ ପିନ୍ଧା ଯୁବକ। ସମ୍ପୃକ୍ତ ଯୁବକ ରୁପେଶ ପଣ୍ଡା ବିବାହିତ । ତେବେ ସେ କାହିଁକି ଏପରି ଲେଡିଜ ଡ୍ରେସରେ ପଶିଲେ ତା’ର କାରଣ ଜଣାପଡ଼ି ନାହିଁ। ତେବେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ସେ ମୁହଁରେ ହେଲମେଟ ଲଗାଇ ଲେଡିଜ ଡ୍ରେସରେ ପଶିଥିଲେ। ପରେ ମା ଓ ଝିଅଙ୍କୁ ଆକ୍ରମଣ କରିଥିଲେ।
ମହିଳା ବେଶରେ ଆସି ମା-ଝିଅଙ୍କୁ ଛୁରାମାଡ, ପ୍ରେମ ବ୍ୟାପାର ସନ୍ଦେହ
ଯାହାକୁ ନେଇ ସେହି ଦୁର୍ବୃତ୍ତ ସହିତ ମା’ ଝିଅର ଧସ୍ତାଧସ୍ତି ହୋଇଥିଲା । ଏହି ସମୟରେ ରଶିରେ ମା’ ଝିଅ ସମ୍ପୃକ୍ତ ଯୁବକକୁ ବାନ୍ଧିବା ପାଇଁ ଚେଷ୍ଟା କରିଥିଲେ। ଏକ ରଶି ପାଖରେ ପଡିଥିବା ବେଳେ ମାରଣାସ୍ତ୍ର ମଧ୍ୟ ପଡ଼ିଛି । ଘର ଫ୍ଲୋର ସମେତ ଘର ବାହାର ଚଟାଣ ରକ୍ତମୟ ହୋଇଛି। ଫଳରେ ଉଭୟ ମା’ ଝିଅ ସହ ଲେଡିଜ ଡ୍ରେସରେ ଆସିଥିବା ରୁପେଶ ପଣ୍ଡା ମଧ୍ୟ ଗୁରୁତର ହୋଇଥିଲେ। ଏନେଇ ପୋଲିସ ତଦନ୍ତ ଆରମ୍ଭ କରିଛି ।