ଭୁବନେଶ୍ବର: ଭୁବନେଶ୍ବର ପୋଲିସର ବଡ ସଫଳତା । ହତ୍ୟା, ଅପହରଣ, ଡକାୟତି ଓ ଛିନତାଇ କରି କମିଶନରେଟ ପୋଲିସର ନିଦ ହଜାଇଥିବା କୁଖ୍ୟାତ ଅପରାଧୀ ମକରାକୁ ଗିରଫ କରିଛି ଖାରବେଳ ଥାନା ପୋଲିସ।
ଗିରଫ ଅପରାଧୀ ହେଉଛି ଚନ୍ଦକା ଥାନା ଅଧୀନରେ ଥିବା କନ୍ତାବଡର ବିଜୟ ମହାରଣା ଓରଫ ମକରା। ତେବେ ଅଭୁଯୁକ୍ତ ମକରା ନାମରେ ଖଣ୍ଡଗିରି, ନୟାପଲ୍ଲୀ, କ୍ୟାପିଟାଲ ଖାରବେଳ ଓ ଇନଫୋସିଟି ଆଦି ଥାନାରେ ୨୭ଟି ମାମଲା ରହିଛି।
ରବିବାର ରାତିରେ ରାମମନ୍ଦିର ପାଖରେ ଅଭିଯୋଗକାରୀଙ୍କ ପତ୍ନୀ ଅଟୋରେ ବସିଥିବା ବେଳେ ମକରା ମହିଳାଙ୍କ ଠାରୁ ଭ୍ୟାନିଟ୍ ବ୍ୟାଗ ଝାମ୍ପିବାକୁ ଚେଷ୍ଟା କରିଥିଲା । ଫଳରେ ଉକ୍ତ ମହିଳା ଜଣଙ୍କ ଚିତ୍କାର କରିଥିଲେ । ଏହାପରେ ଘଟଣା ସ୍ଥଳରୁ ଫେରାର ହୋଇଯାଇଥିଲା ମକରା।
ଘଟଣା ସ୍ଥଳରେ ପିସିଆର ପହଞ୍ଚି ତାକୁ ପିଛା କରିବା ସହ ତାକୁ ୧୨୦ ବାଟାଲିୟନ ପାଖରୁ ଗିରଫ କରିଥିଲା।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
