ରାଜ୍ୟରେ ଜେଲ୍‌ରେ କ୍ଷମତାଠୁ ଅଧିକ କଏଦୀ

ରାଜ୍ୟରେ ଅପରାଧ ଓ ଅପରାଧୀଙ୍କ ସଂଖ୍ୟା ବୃଦ୍ଧି ପାଇଛି । ଅବସ୍ଥା ଏପରି ହୋଇଛି ଯେ, କ୍ଷମତାଠାରୁ ଅଧିକ କଏଦୀ ଜେଲରେ ରହୁଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ରାଜ୍ୟରେ ଅପରାଧ ଓ ଅପରାଧୀଙ୍କ ସଂଖ୍ୟା ବୃଦ୍ଧି ପାଇଛି । ଅବସ୍ଥା ଏପରି ହୋଇଛି ଯେ, କ୍ଷମତାଠାରୁ ଅଧିକ କଏଦୀ ଜେଲରେ ରହୁଛନ୍ତି । ବିଭିନ୍ନ ଜିଲ୍ଲାରେ ଥିବା 40 ଟି ମୁଖ୍ୟ ଓ ଉପକାରାଗାରରେ ରହୁଥିବା ଅପରାଧୀଙ୍କ ସଂଖ୍ୟା କ୍ଷମତାଠୁ ଅଧିକ । ଏ ନେଇ ଗୃହରେ ପ୍ରଶ୍ନ ଉଠାଇଥିଲେ ବିଧାୟକ ଉମାକାନ୍ତ ସାମନ୍ତରାୟ ।

ବିଜେଡି ବିଧାୟକ ଉମାକାନ୍ତ ସାମନ୍ତରାୟଙ୍କ ପ୍ରଶ୍ନର ଲିଖିତ ଉତ୍ତରରେ ଗୃହ ରାଷ୍ଟ୍ରମନ୍ତ୍ରୀ ତୁଷାରକାନ୍ତ ବେହେରା କହିଛନ୍ତି ଯେ, "ରାଜ୍ୟର ବିଭିନ୍ନ କାରାଗାରରେ ଏବେ ମୋଟ ୨୦ ହଜାର ୨୬୦ ଜଣ କଏଦୀ ଅଛନ୍ତି । ସେମାନଙ୍କ ମଧ୍ୟରୁ ବିଚାରାଧୀନ ପୁରୁଷ କଏଦୀଙ୍କ ସଂଖ୍ୟା ୧୬୮୭୬ ଓ ମହିଳା କଏଦୀଙ୍କ ସଂଖ୍ୟା ୬୨୩ ଅଟେ । ମୃତ୍ୟୁ ଦଣ୍ଡବିଧାନ ଅପେକ୍ଷାରେ ଥିବା ପୁରୁଷ କଏଦୀଙ୍କ ସଂଖ୍ୟା ୧୧ ଓ ମହିଳା କଏଦୀଙ୍କ ସଂଖ୍ୟା ଶୂନ୍ୟ ରହିଛି । ଆଜୀବନ କାରାଦଣ୍ଡ ଭୋଗୁଥିବା ମୋଟ କଏଦୀଙ୍କ ସଂଖ୍ୟା ୧୫୪୩ ଅଟେ । ରାଜ୍ୟରେ ପ୍ରାୟ ସମସ୍ତ ଜେଲରେ କ୍ଷମତା ଠାରୁ ଅଧିକ କଏଦୀ ରହିଛନ୍ତି ।"

ଇଟିଭି ଭାରତ, ଭୁବନେଶ୍ବର