ଭୁବନେଶ୍ବର: ଲଗାତାର 3 ଦିନର ବିରତି ପରେ ସୋମବାର ପୁଣି ଆରମ୍ଭ ହେବ ବିଧାନସଭାର ବଜେଟ ଅଧିବେଶନ । ପ୍ରଥମ ପର୍ଯ୍ୟାୟ ଶେଷ ହେବାକୁ ଆଉ 3 ଦିନ ବାକିଥିବା ବେଳେ ସୋମବାର ବଜେଟ ଉପରେ ଆଲୋଚନା ହେବ । ତେବେ ଗୃହରେ ସରକାରଙ୍କୁ ଘେରିବାକୁ ବିରୋଧୀଙ୍କ ହାତରେ ପଡିଛି ଅମୋଘ ଅସ୍ତ୍ର । କାଳିଆ ଯୋଜନାକୁ ନେଇ ଅର୍ଥମନ୍ତ୍ରୀ ଓ କୃଷିମନ୍ତ୍ରୀଙ୍କ ଭିନ୍ନଭିନ୍ନ ତଥ୍ୟ ଏବେ ସରକାରଙ୍କୁ ଅଡୁଆରେ ପକାଇ ପାରେ । ବଜେଟ ଉପସ୍ଥାପନା ବେଳେ ଅର୍ଥମନ୍ତ୍ରୀଙ୍କ ଗରିବୀ ସଂଖ୍ୟା କୁ ନେଇ ଦେଇଥିବା ତଥ୍ୟ ଓ ବେକାରି ସମସ୍ୟା ବଡ ପ୍ରସଙ୍ଗ ହେବ ।
ବିରତି ପରେ ସୋମବାରରୁ ପୁଣି ବିଧାନସଭା; ଶାସକ ବିରୋଧୀ ପ୍ରସ୍ତୁତି
ସେହିପରି ପ୍ରଶ୍ନକାଳ ଓ ଶୁନ୍ୟକାଳରେ ଉଠିବ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ । ସୋମବାର ଗୃହ, ରାଜସ୍ବ, ,ସ୍ବାସ୍ଥ୍ୟ, ଅବକାରୀ, ଇସ୍ପାତ ଓ ଖଣି ବିଭାଗ ଭଳି ଅନେକ ପ୍ରଶ୍ନୋତ୍ତର କାର୍ଯ୍ୟକ୍ରମ ରହିଛି। ତେବେ ରାଜ୍ୟରେ ବିପର୍ଯ୍ୟସ୍ତ ଆଇନ ଶୃଙ୍ଖଳା, ମହିଳାଙ୍କ କ୍ଷେତ୍ରରେ ବଢୁଥିବା ଅପରାଧ ସହ 2019ରେ ରାଜ୍ୟରେ ମାମଲା ବୃଦ୍ଧି ପାଇଥିବାରୁ ବିରୋଧୀ ଏହାକୁ ପ୍ରସଙ୍ଗ କରିପାରନ୍ତି ।