ମୋହନ ମାଝୀଙ୍କୁ ଆକ୍ରମଣ ଘଟଣା, ରାଜରାସ୍ତାରେ BJP

ବିରୋଧୀ ଦଳର ମୁଖ୍ୟ ସଚେତକ ମୋହନ ମାଝୀଙ୍କ ଉପରେ ଆକ୍ରମଣ ଘଟଣାକୁ ନେଇ ଶାସକ ବିଜେଡିକୁ ଦାୟୀ କଲା ବିଜେପି। ଏପରି ଘଟଣାରୁ ନିବୃତ୍ତ ନହେଲେ ଉଚିତ ଜବାବ ଚେତାବନୀ। ଅଧିକ ପଢନ୍ତୁ...

ଭୁବନେଶ୍ବର : ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ଉପରେ ଆକ୍ରମଣ ଘଟଣାରେ ରାଜରାସ୍ତାକୁ ଓହ୍ଲାଇଛି ବିଜେପି । ଆଜି ଭୁବନେଶ୍ୱର ଜିଲ୍ଲା ବିଜେପି ଏହି ଆକ୍ରମଣ ପାଇଁ ଶାସକ ଦଳକୁ ଦାୟୀ କରାଯିବା ସହ ବିକ୍ଷୋଭ ପଦର୍ଶନ କରାଯାଇଛି।

ବିଜେପି ଅଭିଯୋଗ କରିଛି ଯେ, ଏହି ଆକ୍ରମଣ ପଛରେ ବିଜେଡି ସରକାରଙ୍କ ହାତ ରହିଛି । ମନ୍ତ୍ରୀ ବିଧାୟକ ଓ କର୍ମୀମାନଙ୍କ ସିଧାସଳଖ ଏହି ଆକ୍ରମଣରେ ସମ୍ପୃକ୍ତି ରହିଛି । ଜଗନ୍ନାଥଙ୍କ ପବିତ୍ର ରାଜ୍ୟରେ ଏପରି ହିଂସାକାଣ୍ଡ ଚଳିବ ନାହିଁ । ତେଣୁ ଶାସକ ଦଳ ଏପରି ଆକ୍ରମଣରୁ ନିଜକୁ ନିବୃତ୍ତ ରଖୁ । ନଚେତ ଆଗାମୀ ଦିନରେ ବିଜେପି ଏହାର ଉଚିତ ଜବାବ ଦେବ ବୋଲି ଚେତାବନୀ ଦେଇଛି ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ