ଭୁବନେଶ୍ବର: ବ୍ଲଡ ଅନ ହୁଇଲସ୍ । ଭ୍ରାମ୍ୟମାଣ ଭ୍ୟାନରେ ରକ୍ତ ସଂଗ୍ରହ । ଆଉ ଏହାସହ ଚକ୍ଷୁ ଯତ୍ନ କାର୍ଯ୍ୟକ୍ରମ ‘ସୁନେତ୍ର’ । ରାଜ୍ୟରେ ବିଶୁଦ୍ଧ ରକ୍ତର ଆବଶ୍ୟକତା ପୂରଣ କରିବା ପାଇଁ ଆରମ୍ଭ ହେଲା ଭ୍ରାମ୍ୟମାଣ ରକ୍ତ ସଂଗ୍ରହ ସେବା ।
ଦୁର୍ଗମ ଅଞ୍ଚଳରେ ପହଞ୍ଚିବ ବିଶୁଦ୍ଧ ରକ୍ତ, ଭ୍ରାମ୍ୟମାଣ ଭ୍ୟାନ ସେବା ଆରମ୍ଭ
ସୋମବାର ଭୁବନେଶ୍ବରରେ ଭ୍ରାମ୍ୟମାଣ ରକ୍ତ ସଂଗ୍ରହ ଭ୍ୟାନ ସେବା ଏବଂ ରାଜ୍ୟରେ ଚକ୍ଷୁ ଯତ୍ନ କାର୍ଯ୍ୟକ୍ରମ ସୁନେତ୍ର ଭ୍ୟାନକୁ ଲୋକାର୍ପଣ କରିଥିଲେ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ ।
ଯେଉଁ ଅଞ୍ଚଳରେ ଉପଯୁକ୍ତ ଭିତ୍ତିଭୂମିର ଅଭାବ ପାଇଁ ସ୍ବେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇପାରୁନାହିଁ ସେହି ସ୍ଥାନରେ ଏହି ବ୍ୟବସ୍ଥା ପହଞ୍ଚିବ । ରକ୍ତଦାତାଙ୍କ ସୁବିଧା, ନିରାପଦ ରକ୍ତ ସଂଗ୍ରହ, ସଂଗୃହୀତ ରକ୍ତର ସ୍ଥାନାନ୍ତରଣ ଓ ଦୁର୍ଗମ ଅଞ୍ଚଳରେ ସ୍ବେଚ୍ଛାକୃତ ରକ୍ତଦାନକୁ ପ୍ରୋତ୍ସାହିତ କରିବା ଲକ୍ଷ୍ୟ ନେଇ ଏହି ଭ୍ୟାନ ସେବା ଆରମ୍ଭ ହୋଇଛି । ମଙ୍ଗଳବାର ଏହାକୁ ସ୍ବାସ୍ଥ୍ୟମନ୍ତ୍ରୀ ଲୋକାର୍ପିତ କରିଛନ୍ତି ।