ଭୁବନେଶ୍ବର: ଆସନ୍ତା ମାର୍ଚ୍ଚ 3ରୁ ରାଜ୍ୟ ସଡକ ଓ ପରିବହନ ବିଭାଗରେ ଲାଗୁ ହେବାକୁ ଯାଉଛି ‘ମୋ ସରକାର’ । ଏନେଇ ଶନିବାର ସ୍ଥାନୀୟ ପାନ୍ଥ ନିବାସ ସମ୍ମିଳନୀ କକ୍ଷରେ ବିଭାଗ ପକ୍ଷରୁ ଏକ ଦିନିକିଆ କର୍ମଶାଳା ଆୟୋଜିତ ହୋଇଛି । ଯେଉଁଥିରେ ସମସ୍ତ ଜିଲ୍ଲାର ଆରଟିଓ, ଏମଭିଆଇ ଓ ନୋଡାଲ ଅଫିସରମାନେ ଯୋଗ ଦେଇଛନ୍ତି।
ମାର୍ଚ୍ଚ 3ରୁ ପରିବହନ ବିଭାଗ ଲାଗୁହେବ ମୋ ସରକାର
ଏଥିରେ ବିଭାଗର ପ୍ରମୁଖ ଶାସନ ସଚିବ ପ୍ରମୋଦ କୁମାର ମେହେର୍ଦ୍ଦା, ସ୍ବତନ୍ତ୍ର ସଚିବ ମନୋଜ ମିଶ୍ର, ପରିବହନ କମିଶନର ସଂଜୀବ ପଣ୍ଡା ଓ ଏସଆରଟିସି ସିଏମଡି ଅରୁଣ କୁମାର ବୋଥ୍ରା ପ୍ରମୁଖ ଯୋଗ ଦେଇ କିପରି ଲୋକମାନଙ୍କୁ ମୋ ସରକାର ଅନ୍ତର୍ଭୁକ୍ତ ସୁବିଧା ସୁଯୋଗ ହାତ ପାଆନ୍ତାରେ ଦିଆଯାଇପାରିବ ସେନେଇ ଅଧିକାରୀମାନଙ୍କ ସହ ଆଲୋଚନା କରିଛନ୍ତି ।