ଭୁବନେଶ୍ବର: ପଞ୍ଚାୟତ ଓ ପୌର ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ପିସିସି ପରିବର୍ତ୍ତନ ନେଇ ଚର୍ଚ୍ଚା ଜୋର ଧରିଛି। ଏନେଇ ରାଜ୍ୟ କଂଗ୍ରେସର ନେତା ଓ କର୍ମୀ ଭିନ୍ନ ଭିନ୍ନ ମତ ଦେଉଛନ୍ତି । ତେବେ କାହାକୁ ପିସିସି ସଭାପତି କରାଯିବ ? କିଏ ହେଲେ ସଂଗଠନକୁ ଅଧିକ ସୁଦୃଢ କରିବେ, ସେ ବିଷୟରେ ମୁହଁ ଖୋଲିଛନ୍ତି ବରିଷ୍ଠ ବିଧାୟକ ତାରା ବାହିନୀପତି । ତାରା ସିଧା ସିଧା ବିଧାୟକଙ୍କ ମଧ୍ୟରୁ କେହିବି ପିସିସି ସଭାପତି ହୁଅନ୍ତୁ ବୋଲି କହିଛନ୍ତି । ସେ ଯିଏବି ହୁଅନ୍ତୁ ତାଙ୍କୁ ସ୍ବାଗତ କରିବୁ ।
ତାରା କହିଛନ୍ତି ସୁର ଭାଇ ହେଲେ ଆମେ ତାଙ୍କୁ ମଧ୍ୟ ଗ୍ରହଣ କରିବୁ ବୋଲି କହିଛନ୍ତି । ତେବେ ବିଧାୟକ କାହିଁକି ହେବା ଉଚିତ ଉପରେ ସୃଷ୍ଟୀକରଣ ରଖି ତାରା କହିଛନ୍ତି, ଜିଲ୍ଲା ସଭାପତିମାନଙ୍କୁ ଜିଲ୍ଲାପାଳ ମାନେ ପଚାରୁ ନାହାନ୍ତି । ତେବେ ଯଦି ଜଣେ ବିଧାୟକଙ୍କୁ ସଭାପତି କରାଯାଏ ତା ହେଲେ ଏ ସମସ୍ୟା ରହିବ ନାହିଁ । ପିସିସି ସଭାପତି ଜଣେ ବିଧାୟକ ହୁଅନ୍ତୁ। ନୂଆ ଚେହେରାଙ୍କୁ ପିସିସି ସଭାପତି କରାଯାଉ।