ଭୁବନେଶ୍ବର: ପ୍ରଥମ କରି ରାଜଧାନୀରେ ଅନୁଷ୍ଠିତ ହୋଇଛି ମିଶନ ଶକ୍ତିମେଳା । ଏହି ମେଳା ଗାଁ ଗହଳିର ମହିଳାଙ୍କୁ ନୂତନ ଦିଶା ଦେଖାଇବା ସହ ରୋଜଗାରର ପନ୍ଥା ବତାଇଦେଇଛି । ତେବେ ରାଜ୍ୟରେ ଅନୁଷ୍ଠିତ ହୋଇଥିବା ଏହି ମିଶନ ଶକ୍ତି ମେଳା ପାଇଁ ଚର୍ଚ୍ଚା ଜୋର ଧରିଛି । ଆଉ ସନ୍ଧ୍ୟା ହେଲେ ପ୍ରଦର୍ଶନୀ ପଡିଆକୁ ଛୁଟୁଛି ଭୁବନେଶ୍ବରିଆଙ୍କ ସୁଅ । ଏହି ମେଳାରେ ମୁଖ୍ୟ ଆକର୍ଷଣ ପାଲଟିଛି ବାଉଁଶ ଓ ବେତ ଷ୍ଟଲ। ବାଲେଶ୍ଵର ଜିଲ୍ଲାର ସିମୁଳିଆ ଗାଁରୁ ଆସିଥିବା ସୃଷ୍ଟି ବେତ ବାଉଁଶ ମହିଳା ଉତ୍ପାଦକ ଏସଏସଜି ଗ୍ରୁପ ମମତା ସାହୁଙ୍କୁ ଏବେ ନୂଆ ପରିଚୟ ଦେଇପାରିଛି।
ମିଶନ ଶକ୍ତି ମେଳା ଦେଲା ମମତାଙ୍କୁ ନୂଆ ପରିଚୟ
ସୂଚନା ଅନୁସାରେ, ପରିବାରର ଆର୍ଥିକ ସ୍ଥିତି ଦୁର୍ବଳ ପାଇଁ ମମତା ଦିନେ ଅଧାରୁ ପାଠରେ ଢୋରି ବାନ୍ଧିଥିଲେ । ହେଲେ ମିଶନ ଶକ୍ତିରେ ଯୋଗ ଦେଇ ସେ ବାଉଁଶ କାରିଗରୀ ଉପରେ ଶିକ୍ଷା ଲାଭକରି ବେଶ ଭଲ ଦୁଇ ପଇସା ରୋଜଗାର କରିପାରିଛନ୍ତି ।