ମିଶନ ଶକ୍ତି ମେଳା: ବଢୁଛି ଆଦିବାସୀ ଅଳଙ୍କାରର ଚାହିଦା

ଆରମ୍ଭ ହୋଇଛି ମିଶନ ଶକ୍ତି ମେଳା । ଭୁବନେଶ୍ବର ପଦର୍ଶନୀ ପଡିଆରେ ଅନୁଷ୍ଠିତ ହୋଇଥିବା ଏହି ମେଳାରେ ପାରମ୍ପରିକ ଆଦିବାସୀ ଅଳଙ୍କାର କିଣିବା ପାଇଁ ରାଜଧାନୀବାସୀଙ୍କ ଭିଡ଼ ଦେଖିବାକୁ ମିଳିଛି ।

ଭୁବନେଶ୍ବର: ଆରମ୍ଭ ହୋଇଛି ମିଶନ ଶକ୍ତି ମେଳା । ଭୁବନେଶ୍ବର ପ୍ରଦର୍ଶନୀ ପଡିଆରେ ଅନୁଷ୍ଠିତ ହୋଇଥିବା ଏହି ମେଳାରେ ପାରମ୍ପରିକ ଆଦିବାସୀ ଅଳଙ୍କାର କିଣିବା ପାଇଁ ରାଜଧାନୀବାସୀଙ୍କ ଭିଡ଼ ଦେଖିବାକୁ ମିଳିଛି ।

ଡିସେମ୍ବର 5ରୁ ଆରମ୍ଭ ହୋଇଥିବା ଏହି ମେଳାରେ ସାରା ରାଜ୍ୟର 200 ଟି ମହିଳା ଏସଏସଜି ଗ୍ରୁପ ନିଜର ହାତ ତିଆରି ଜିନିଷ ବିକ୍ରି କରୁଛନ୍ତି । ଯେଉଁଥିରେ ମୁଖ୍ୟ ଆକର୍ଷଣ ପାଲଟିଛି ନବରଙ୍ଗପୁରରୁ ଆସିଥିବା ଆଦିବାସୀ ଅଳଙ୍କାର ।

ଆଧୁନିକତାର ଚାକଚାକ୍ୟ ଭିତରେ ଅନେକ ଆଦିବାସୀ ଅଳଙ୍କାର ହଜିଯାଉଛି । ଯାହାର ପୁନଃ ଉଦ୍ଧାର କରିବା ସହ ଲୋକଙ୍କ ପାଖରେ ପହଞ୍ଚାଇବା ପାଇଁ ଆଦିବାସୀ ମାନଙ୍କ ଅଳଙ୍କାରକୁ ବିକ୍ରି କରାଯାଉଛି । ଆଦିବାସୀଙ୍କ ଗିନୀ ମାଳି, ଲବଙ୍ଗ ଖାତି, ନାନୁ, ଚାପସରି ଭଳି ଅନେକ ଅଳଙ୍କାର ଏଠାରେ ଦେଖିବାକୁ ମିଳୁଛି । ଯାହାକୁ କିଣିବା ପାଇଁ ଲୋକଙ୍କ ଭିଡ଼ ଜମୁଛି।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ