ଭୁବନେଶ୍ବର: ରାଜଧାନୀ ଭୁବନେଶ୍ବର ନାବାଳିକା ଗଣଦୁଷ୍କର୍ମ ଘଟଣାରେ ନିର୍ଦ୍ଦିଷ୍ଟ ଗଣମାଧ୍ୟମ ସଂସ୍ଥାର ଏମଡ଼ିଙ୍କୁ ପୁଣି ସମନ କରିଛନ୍ତି ମହିଳା କମିଶନ। ଭୁବନେଶ୍ୱର ଡିସିପିଙ୍କ ଜରିଆରେ ରାଜ୍ୟ ମହିଳା କମିଶନ ନୋଟିସ କରିଛନ୍ତି । ଅକ୍ଟୋବର 1 ଦିନ 11 ଟାରେ ମହିଳା କମିଶନଙ୍କ ନିକଟରେ ହାଜର ହେବାକୁ ନିର୍ଦ୍ଦେଶ ରହିଛି ।
ନାବାଳିକା ଗଣଦୁଷ୍କର୍ମ ଘଟଣା, ଟିଭି ଚ୍ୟାନେଲର ଏମଡିଙ୍କୁ ପୁଣି ସମନ ରାଜଧାନୀର ଗଣଦୁଷ୍କର୍ମ ଘଟଣାକୁ ନେଇ ଦିନକୁ ଦିନ ରହସ୍ୟ ବଢିବାରେ ଲାଗିଛି । ଗଣମାଧ୍ୟମ ସଂସ୍ଥାର ଏମଡ଼ିଙ୍କୁ ମହିଳା କମିଶନଙ୍କ ନିକଟରେ ପୁଣି ଥରେ ହାଜର ହେବା ପାଇଁ ନିର୍ଦ୍ଦେଶ ଦିଆଯାଇଛି ।
ଗତ ସେପ୍ଟେମ୍ବର 21(ସୋମବାର) ମହିଳା କମିଶନଙ୍କ ନୋଟିସ ଅନୁସାରେ ସଂପୃକ୍ତ ଗଣମାଧ୍ୟମ ସଂସ୍ଥାର ଏମଡ଼ି ହାଜର ହୋଇଥିଲେ ମଧ୍ୟ ଶୁଣାଣି ସମୟରେ ଅନୁପସ୍ଥିତ ରହିଥିଲେ। ଫଳରେ ଶୁଣାଣି ହୋଇପାରି ନଥିଲା । ଏହାକୁ ନେଇ ମହିଳା କମିଶନ ମଙ୍ଗଳବାର ପୁଣି ଥରେ ସମନ କରିଛନ୍ତି।
ଭୁନେଶ୍ବରରରୁ ବିକାଶ ଦାସ, ଇଟିଭି ଭାରତ
