ଭୁବନେଶ୍ବର: ଚାରି ଦିନିଆ କେନ୍ଦୁଝର ଜିଲ୍ଲା ଗସ୍ତରେ ଅଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । ଏହି ଗସ୍ତରେ ରାସ୍ତାରେ ଅଟକାଇ ସ୍କୁଲବସକୁ କରିଛନ୍ତି ତାଗିଦ । ବସଟି ଆବଶ୍ୟକତାଠୁ ଅଧିକ ଛାତ୍ରଛାତ୍ରୀ ନେଇ ବିଦ୍ୟାଳୟକୁ ଯାଉଥିବା ବେଳେ ମନ୍ତ୍ରୀ ମଝି ରାସ୍ତାରେ ଅଟକାଇ ତାଗିଦ କରିଥିବା ଦେଖିବାକୁ ମିଳିଛି ।
ସ୍କୁଲ ବସକୁ ଶିକ୍ଷମାନ୍ତ୍ରୀଙ୍କ ତାଗିଦ, ଆବଶ୍ୟକଠୁ ଯାଉଥିଲେ ଅଧିକ ଛାତ୍ରଛାତ୍ରୀ
ମନ୍ତ୍ରୀ ସମୀର ଦାଶ କେନ୍ଦୁଝର ଜିଲ୍ଲାର ବିଭିନ୍ନ ସରକାରୀ ଉଚ୍ଚ ବିଦ୍ୟାଳୟ ଓ ଆଦର୍ଶ ବିଦ୍ୟାଳୟ ଗସ୍ତ କରିଛନ୍ତି । ଏହି ଅବସରରେ ଏକ ସ୍କୁଲ ବସ ରାସ୍ତାରେ ଅଟକାଇ ଯାଞ୍ଚ ମଧ୍ୟ କରିଛନ୍ତି । ସ୍କୁଲ ବସରେ ଅତ୍ୟଧିକ ଛାତ୍ରଛାତ୍ରୀ ଯାଉଥିବାର ଗଣଶିକ୍ଷା ମନ୍ତ୍ରୀଙ୍କ ନଜରକୁ ଆସିଥିଲା । ବସକୁ ଅଟକାଇ ବସ ଡ୍ରାଇଭରଙ୍କୁ ତାଗିଦ କରିଥିଲେ । ସେହି ଭିଡିଓରେ ଗଣଶିକ୍ଷା ମନ୍ତ୍ରୀ କହୁଛନ୍ତି ଯେ " ପିଲାମାନେ କଣ ଲଗେଜ । ଏମିତି ସବୁ ପିଲା ଯାଆନ୍ତି । ସ୍କୁଲ ନାମ ପଚାରୁଛନ୍ତି ଏବଂ ଶେଷରେ ନୋଟିସ କରିବା ସହ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଉଛନ୍ତି"।