ଭୁବନେଶ୍ବର: ବିଏମସି ହସ୍ପିଟାଲକୁ ଅଚାନକ ପରିଦର୍ଶନ କଲେ ଗୃହ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ଡାକ୍ତରଖାନାର ପ୍ରକୃତ ସ୍ଥିତିକୁ ପରଖିବାକୁ ଅଚାନକ ଗସ୍ତ କରିଥିଲେ ମନ୍ତ୍ରୀ ପ୍ରତାପ ଜେନା । ତେବେ ସଠିକ ସେବା ଓ ମାଗଣା ମେଡିସିନ ମିଳୁଛି ନା ନାହିଁ ସେନେଇ ରୋଗୀଙ୍କ ଠାରୁ ପଚାରି ବୁଝିଛନ୍ତି ମନ୍ତ୍ରୀ ଜେନା ।
ମନ୍ତ୍ରୀ ପ୍ରତାପ ଜେନାଙ୍କ ବିଏମସି ହସ୍ପିଟାଲରେ ପରିଦର୍ଶନ
ଡାକ୍ତରଖାନା ପରିଦର୍ଶନ ପରେ ପ୍ରତାପ ଜେନା ସୂଚନା ଦେଇଛନ୍ତି ଯେ, ଏହି ଡାକ୍ତରଖାନା ଅର୍ବାନ ବିଭାଗ ଅନ୍ତର୍ଗତ । ଏହାକୁ ସ୍ବାସ୍ଥ୍ୟ ବିଭାଗର ଅନ୍ତର୍ଗତ କରିବାର ଯୋଜନା କରାଯାଉଛି । ଯାହା ଫଳରେ ପରିଚାଳନା ସଠିକ ଭାବେ ହୋଇପାରିବ । ବିଏମସି ଡାକ୍ତରଖାନାରେ ଡାକ୍ତରଙ୍କ ଅଭାବ ରହିଛି । ଖୁବ୍ ଶୀଘ୍ର ଡାକ୍ତରମାନଙ୍କୁ ନିଯୁକ୍ତ କରାଯିବ ।