ଭୁବନେଶ୍ବର: ଆଧୁନିକ ଯୁଗରେ ପରିବେଶ ପ୍ରଦୂଷଣ ଏକ ମୁଖ୍ୟ ଓ ବଡ଼ ସମସ୍ୟା ଭାବେ ଉଭା ହୋଇଛି । ଓଡିଶାକୁ ପ୍ଲାଷ୍ଟିକ ମୁକ୍ତ ରାଜ୍ୟ କରି ଗଢିବାକୁ ଆହ୍ବାନ ଦେଇ ସ୍ଥାନୀୟ ସୂଚନା ଭବନ ଠାରେ ଆୟୋଜିତ ରାଜ୍ୟ ପ୍ରଦୂଷଣ ବୋର୍ଡର 36 ତମ ସ୍ଥାପନା ଦିବସ ପାଳନ ଅବସରରେ ରାଜ୍ୟ ଜଙ୍ଗଲ ଓ ପରିବେଶ ବିଭାଗମନ୍ତ୍ରୀ ବିକ୍ରମ କେଶରୀ ଆରୁଖ କହିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି,ଭୁବନେଶ୍ବର
ପରିବେଶ ପ୍ରଦୂଷଣ ନେଇ ଅନେକାଂଶରେ ଆମେମାନେ ଦାୟୀ ହୋଇଥିବାବେଳେ ଏହାର ନିରାକରଣ ଦିଗରେ ଜନସାଧାରଣଙ୍କ ସହଯୋଗ ଏକାନ୍ତ ଆବଶ୍ୟକ ବୋଲି ଆରୁଖ କହିଛନ୍ତି । ସରକାରଙ୍କ ପକ୍ଷରୁ ପ୍ଲାଷ୍ଟିକ ପ୍ରଦୂଷଣକୁ ହ୍ରାସ କରିବା ଲକ୍ଷ୍ୟରେ ଗତବର୍ଷ 6ଟି ସହରରେ ପ୍ଲାଷ୍ଟିକ ବ୍ୟବହାର ଉପରେ ରୋକ ଲଗାଯାଇଛି ।