ଭୁବନେଶ୍ବର: ପରୀ ମୃତ୍ୟୁ ମାମଲାକୁ ନେଇ ଗୃହରେ ବିବୃତି ରଖିଲେ କୃଷିମନ୍ତ୍ରୀ ଡ. ଅରୁଣ ସାହୁ । ମନ୍ତ୍ରୀ କହିଛନ୍ତି ଯେ, ‘ପରୀ ମୃତ୍ୟୁ ଘଟଣା ମୋତେ ବ୍ୟଥିତ କରିଛି । ଗଭୀର ଭାବେ ମୁଁ ମର୍ମାହତ । ହିଂସାର ମୁଁ ଘୋର ବିରୋଧୀ ।’
ସେହିପରି କ୍ରାଇମବ୍ରାଞ୍ଚର ତଦନ୍ତ ନିର୍ଦ୍ଦେଶ ଦିଆଯାଇଛି, ତାହାକୁ ସ୍ବାଗତ କରୁଛି ବୋଲି ମନ୍ତ୍ରୀ କହିଛନ୍ତି । ଘଟଣାରେ ଯିଏ ବି ଜଡିତ ଥାଉ, ତା ଉପରେ ଦୃଢ କାର୍ଯ୍ୟାନୁଷ୍ଠାନ ହେଉ । ପରୀ ନ୍ୟାୟ ପାଉ । ସତ୍ୟ ଉନ୍ମୋଚନ ହେଉ ବୋଲି ଗୃହରେ ମନ୍ତ୍ରୀ କହିଛନ୍ତି । ଏହାସହ ଘଟଣାର ରାଜନୀତିକରଣ କରାନଯାଉ ବୋଲି ମନ୍ତ୍ରୀ ଅରୁଣ ସାହୁ ବିଧାନସଭାରେ ନିଜର ବିବୃତି ରଖିବା ସମୟରେ କହିଛନ୍ତି ।
କୃଷିମନ୍ତ୍ରୀ ଡ. ଅରୁଣ ସାହୁ
ସେପଟେ ମନ୍ତ୍ରୀଙ୍କ ବିବୃତି ପରେ ଉଭୟ କଂଗ୍ରେସ ଓ ବିଜେପିଙ୍କ ହୋହଲ୍ଲା ଜାରି । ମନ୍ତ୍ରୀଙ୍କ ଇସ୍ତଫା ଦାବି କରି ହଟ୍ଟଗୋଳ କରିଛନ୍ତି ବିରୋଧୀ । ଯାହାକୁ ନେଇ ଗୃହକୁ ଆସନ୍ତାକାଲି ଯାଏଁ ମୁଲତବୀ ଘୋଷଣା କରିଛନ୍ତି ବାଚସ୍ପତି ।