ଜଗନ୍ନାଥଙ୍କ ଜମିରୁ ଲୁଟୁଥିଲା, ଧରାପଡି ଜେଲ ଗଲା

ପଥରଖଣି ଖନନ ମାମଲାରେ ଆଉ ଏକ ଖୁଲାସା । ଜଗନ୍ନାଥଙ୍କ ଜମିରୁ ବେଆଇନ ଭାବେ ପଥର ଖନନ କରି ଗିରଫ ହେଲେ ଖଣି ମାଫିଆ ସେଖ ମହମ୍ମଦ ଅଖତର। ଅଧିକ ଖବର ପଢନ୍ତୁ...

ଭୁବନେଶ୍ବର: ଖୋର୍ଦ୍ଧା ପଥରଖଣି ଖନନ ମାମଲାରେ ଆଉ ଏକ ଖୁଲାସା । ବେଆଇନ ଭାବେ ପଥର ଖନନ କରୁଥିବା ମାଫିଆକୁ ଗିରଫ କରିଛି ଏସଟିଏଫ। ଏନେଇ ଏସଟିଏଫ ଏସପି ରାହୁଲ ପି ଆର ପ୍ରକାଶ କରିଛନ୍ତି ।

ଜଗନ୍ନାଥଙ୍କ ଜମିରୁ ବେଆଇନ ଭାବେ ପଥର ଖାଦାନ କରି ମାଲମାଲ ହେଉଥିଲା ପିପିଲିର ଏହି ଖଣି ମାଫିଆ ସେଖ ମହମ୍ମଦ ଅଖତର । କେସ ନମ୍ବର ୭/୨୦୧୯ ଆଧାରରେ ଗିରଫ ପରେ କୋର୍ଟ ଚାଲାଣ କରିଛି ଏସଟିଏଫ ଟିମ।

ତେବେ ଖୋର୍ଦ୍ଧାରୁ ପଥର ଖାଦାନ କରି ଜଟଣୀ ଦେଇ ପିପିଲି ଓ ପୁରୀ ଆଡକୁ ନିଜର ପଥର ବ୍ୟବସାୟ କରୁଥିଲା। ଏଥିପାଇଁ ନିଜର ଏକ ସ୍ବତନ୍ତ୍ର ଟିମ ତିଆରି କରିଥିଲା। ଯାହାକୁ ନେଇ ଖୋଳତାଡ ଜାରି ରଖିଛି ଏସଟିଏଫ ଟିମ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ