ଭୁବନେଶ୍ବର: ବିଏମସିରେ ଆରମ୍ଭ ହେଲା ମାଇକ୍ରୋ କମ୍ପୋଷ୍ଟ ସେଣ୍ଟରର ଟେଣ୍ଡର ପ୍ରକ୍ରିୟା। ତେବେ କଠିନ ବର୍ଜ୍ୟବସ୍ତୁ ପରିଚାଳନା ନେଇ ଏହି ପ୍ରକ୍ରିୟାର ଶୁଭାରମ୍ଭ କରାଯାଇଛି। ପ୍ରଥମ ପର୍ଯ୍ୟାୟରେ ୧୭ ଟି ମାଇକ୍ରୋ କମ୍ପୋଷ୍ଟ ସେଣ୍ଟର ପ୍ରତିଷ୍ଠା ପାଇଁ ବିଏମସି ଲକ୍ଷ୍ୟ ରଖିଥିବାବେଳେ ବୁଧବାର ବିଏମସି ପକ୍ଷରୁ ଖୋଲା ଟେଣ୍ଡର ପ୍ରକ୍ରିୟା ଆରମ୍ଭ ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା ଭୁବନେଶ୍ବର
ଏହି ଟେଣ୍ଡର ପ୍ରକ୍ରିୟା ବିଏମସିର ଦୁଇଟି ଇଂଜିନିୟରିଂ ବିଭାଗ ମାଧ୍ୟମରେ ପରିଚାଳିତ କରାଯାଉଛି। ଇଂଜିନିୟରିଂ ବିଭାଗ ୧ ଅଧୀନରେ ୧୨ ଟି ମାଇକ୍ରୋ କମ୍ପୋଷ୍ଟ କେନ୍ଦ୍ରର ଟେଣ୍ଡର ପରିଚାଳନା କରାଯାଉଥିବା ବେଳେ ଇଂଜିନିୟରିଂ ବିଭାଗ ୨ ଅଧୀନରେ ୪ କେନ୍ଦ୍ରର ଟେଣ୍ଡର ପ୍ରକ୍ରିୟା ହେବ। ଅବଶିଷ୍ଟ ୧ ଟି ଏମସିସି ଭୁବନେଶ୍ବରସ୍ଥିତ ଟିଟିଏସ ଠାରେ ରହି ବିଭିନ୍ନ କାର୍ଯ୍ୟ କରିବ।