ଭୁବନେଶ୍ବର: ଧିରେ ଧିରେ ଦୁର୍ବଳ ହେଉଛି ବାତ୍ୟା ଅସାନି। ଆଜି(ବୁଧବାର) ସକାଳୁ ଭୀଷଣ ବାତ୍ଯାରୁ ବାତ୍ଯାରେ ପରିଣତ ହୋଇଛି। ଏହା ଘଣ୍ଟାପ୍ରତି ୬ କିଲୋମିଟର ବେଗରେ ଉତ୍ତର ଉତ୍ତର ପଶ୍ଚିମ ଦିଗରେ ଗତି କରୁଛି । ଏନେଇ ସୂଚନା ଦେଇଛନ୍ତି ପାଣିପାଗ ବିଶେଷଜ୍ଞ ଉମାଶଙ୍କର ଦାସ ।
ଗୋପାଳପୁର ଠାରୁ ୫୩୦ କିଲୋମିଟର ଦୂରରେ ରହିଥିବାବେଳେ ପୁରୀଠାରୁ ୬୪୦ କିଲୋମିଟର ଦୂରରେ ରହିଛି। ଗତକାଲି(ମଙ୍ଗଳବାର) ଉପକୂଳ ଓଡିଶାରେ ଅଧିକ ବର୍ଷା ରେକର୍ଡ କରାଯାଇଛି। ପୁରୀ, ଗଜପତି, ଖୋର୍ଦ୍ଧା କଟକ ପାରଳାଖେମୁଣ୍ଡିରେ ବର୍ଷା ଆରମ୍ଭ ହେଇଛି।ତେବେ ଏହାର ପ୍ରଭାବରେ ଆଜି ପାଇଁ ଉପକୂଳରେ ପ୍ରବଳ ବର୍ଷା ସହ ୟେଲୋ ଓ୍ବାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ତେବେ ଭୁବନେଶ୍ୱରରେ ୩୬.୪, ସର୍ବାଧିକ ଖୋର୍ଦ୍ଧାରେ ୭୧ ମିମି, ବାଲେଶ୍ୱରରେ ୧୩.୪ ମିମି ଓ ଗଜପତି ୩୧.୪ ମିମି ବର୍ଷା ରେକର୍ଡ ହୋଇଛି।
ଧୀରେ ଧୀରେ ଦୁର୍ବଳ ହେଉଛି ବାତ୍ୟା, ଘଣ୍ଟା ପ୍ରତି ୬ କିମି ବେଗରେ ଗତି କରୁଛି ଅସାନି