ଓଡିଶା ଗସ୍ତରେ ଜାତୀୟ ସଫେଇ କର୍ମଚାରୀ କମିଶନ ସଦସ୍ୟ ଡ.ପିପି ଭାଭା

ଓଡିଶା ଗସ୍ତରେ ଜାତୀୟ ସଫେଇ କର୍ମଚାରୀ କମିଶନ ସଦସ୍ୟ ଡ଼.ପି.ପି ଭାଭା । ସଫେଇ କର୍ମଚାରୀଙ୍କୁ ସମସ୍ୟା ସମାଧାନ ଉପରେ ବିଏମସିକୁ ଦେଲେ ପରାମର୍ଶ । ଅଧିକ ପଢନ୍ତୁ...

ଭୁବନେଶ୍ବର: ଓଡିଶା ଗସ୍ତରେ ଜାତୀୟ ସଫେଇ କର୍ମଚାରୀ କମିଶନ ସଦସ୍ୟ ଡ଼ଃ ପି.ପି ଭାଭା । ମଙ୍ଗଳବାର ବିଏମସି କାର୍ଯ୍ୟାଳୟରେ କମିଶନରଙ୍କ ସମେତ ଅନ୍ୟ ବରିଷ୍ଠ ଅଧିକାରୀଙ୍କ ସହ ସଫେଇ ଅଭିଯାନ ନେଇ ଆଲୋଚନା କରିଛନ୍ତି । ଏହା ସହ ସଫେଇକର୍ମୀଙ୍କ ବିଭିନ୍ନ ଅଭିଯୋଗ ଶୁଣିବା ସହ ଏହାର ସମାଧାନ ଉପରେ ଗୁରୁତ୍ବ ଦେବାକୁ ବିଏମସି କର୍ତ୍ତୃପକ୍ଷଙ୍କୁ ପରାମର୍ଶ ଦେଇଥିବା ଜଣାପଡିଛି ।

ତେବେ ସଫେଇ ଅଭିଯାନକୁ ନେଇ ବିଏମସି ପକ୍ଷରୁ ସୁରୁଖୁରୁରେ ଚାଲୁଥିବାବେଳେ ସଫେଇ କର୍ମୀଙ୍କ ବେତନକୁ ନେଇ କିଛି ସମସ୍ୟା ରହିଛି । ଯାହାକୁ ଖୁବଶୀଘ୍ର ସମାଧାନ କରାଯିବ ବୋଲି ଜାତୀୟ ସଫେଇ କର୍ମଚାରୀ କମିଶନ କହିଛନ୍ତି । ଅନ୍ୟପଟେ ବିଏମସି ଏ ଦିଗରେ ପଦକ୍ଷେପ ନେବ ବୋଲି ବିଏମସି କମିଶନର ସଂଜୟ ସିଂ କହିଛନ୍ତି ।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ