ରାଜଧାନୀର ତିନି ସ୍ବାବଲମ୍ବୀ ଯୁବତୀ; ପକେଟ ମନି ପାଇଁ ବିକୁଛନ୍ତି ମୋମୋ

ସ୍ବାବଲମ୍ବୀ ମହିଳାଙ୍କ ଭିତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ରାଜଧାନୀର ତିନି ମହିଳା ରାଜଶ୍ରୀ ,ହିମାନି, ଓ ମାନସୀ। ଯେଉଁମାନେ ରାଜଧାନୀ ରସୁଲଗଡ଼ ଛକର ରାସ୍ତା କଡ଼ରେ ଛୋଟିଆ ଜଳଖିଆ ଷ୍ଟଲ କରି ନିଜର ପେଟ ପାଟଣା ପୋଷୁଛନ୍ତି ।

ଭୁବନେଶ୍ବର: ଆମେ ଅନେକ ମହିଳା ସ୍ବାବଲମ୍ବୀଙ୍କୁ ଦେଖି ଆସିଛୁ । ଆଉ ସେଭଳି ସ୍ବାବଲମ୍ବୀ ମହିଳାଙ୍କ ଭିତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ରାଜଧାନୀର ତିନି ଯୁବତୀ ରାଜଶ୍ରୀ ,ହିମାନି, ଓ ମାନସୀ।

ରାଜଧାନୀ ରସୁଲଗଡ଼ ଛକର ରାସ୍ତା କଡ଼ରେ ଛୋଟିଆ ଜଳଖିଆ ଷ୍ଟଲ କରି ନିଜର ପେଟ ପାଟଣା ପୋଷୁଛନ୍ତି। ଯାହାର ନାଁ ରହିଛି 'ବେଷ୍ଟି ପଏଣ୍ଟ' । ତାସହ ନିଜର ପାଠପଢା ଖର୍ଚ୍ଚ ବି ନିଜେ ବହନ କରୁଛନ୍ତି। କାହା ଉପରେ ନିର୍ଭରଶୀଳ ନହୋଇ, ନିଜେ ଆତ୍ମନିର୍ଭରଶୀଳ ହେବା ସହ ସ୍ବାବଲମ୍ବୀ ହୋଇପାରିଛନ୍ତି ଏହି ଝିଅମାନେ।

ସଂନ୍ଧ୍ୟା ହୋଇଗଲେ ତାଙ୍କ ଷ୍ଟଲରେ ଲୋକଙ୍କ ବେଶ ଭିଡ଼ ଲାଗୁଛି। ସେମାନଙ୍କ ସହ ଆମ ପ୍ରତିନିଧି ଭେଟିବା ପରେ ଇଟିଭି କ୍ୟାମେରା ସାମ୍ନାରେ ତାଙ୍କ ସଂଘର୍ଷର କାହାଣୀ ବଖାଣିଛନ୍ତି।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ