ଭୁବନେଶ୍ବର:ମେଡିକାଲ ସିଟ ନାମ ଲେଖାଇଦେବା ବାହାନାରେ ଠକେଇ । ଭୁବନେଶ୍ୱରେ ୩୦ ଲକ୍ଷ ଠକିବା ଅଭିଯୋଗରେ ୨ ଠକ ଗିରଫ । କଲିକତା ଓ ବିହାରରୁ ୨ ଠକକୁ ଗିରଫ କଲା କମିଶନରେଟ୍ ପୋଲିସ । ନିଜକୁ ପ୍ରତିଷ୍ଠିତ କଲେଜର ସିନିୟର ଡକ୍ଟର ଓ ଡିନର ପରିଚୟ ଦେଇ ଠକୁଥିଲେ ଠକ । କମିଶନରେଟ ପୋଲିସ ହାତରେ ଧରାପଡିବା ପରେ ଦୁଇ ଇଞ୍ଜିନିୟରଙ୍କର ପୋଲ୍ ଖୋଲିଲା ପୋଲିସ । ୨ ଗିରଫ ଠକ ହେଉଛନ୍ତି ସୁଗୋତ ଚୌଧୁରୀ ଓ ଅଭିମନ୍ୟୁ କୁମାର ସିଂ ।
ମେଡିକାଲ କଲେଜ ଡିନ୍ ପରିଚୟ ଦେଉଥିଲେ, ଡାକ୍ତରି ନାମ ଲେଖାଇବା ଆଳରେ ଠକି ଧରାପଡିଲେ
ସୂଚନା ମୁତାବକ ଗିରଫ ଅଭିଯୁକ୍ତ ସୁଗୋତ ଚୌଧୁରୀ ନିଜକୁ ଅମିତ ବାନାର୍ଜି କହି ଏକ ପ୍ରତିଷ୍ଠିତ କଲେଜର ଡିନର ପରିଚୟ ଦେଇ ଡାକ୍ତରି ନାମ ଲେଖାଇବାକୁ ଥିବା ଛାତ୍ରଙ୍କ ସହ ଯୋଗାଯୋଗ କରୁଥିଲେ। ଏପରିକି ଗିରଫ ସହଯୋଗୀ ଅଭିମନ୍ୟୁ କୁମାର ସିଂକୁ ଡକ୍ଟର ବିକାଶ ପରିଚୟ ଦେଇ ଆଡମିଶନ ପାଇଁ ସବୁ ପ୍ରକାର ସାହାଯ୍ୟ କରିବାର ପ୍ରତିଶୃତି ଦେଇ ଜଣେ ଅଭିଯୋଗକାରୀଙ୍କ ଠାରୁ ୩୦ଲକ୍ଷ ଠକି ନେଇଥଲେ । ଏନେଇ ଇନଫୋସିଟ ଥାନାରେ ଅଭିଯୋଗ ପରେ ପୋଲିସ ତଦନ୍ତ କରି ଦୁଇ ଠକଙ୍କୁ ଗିରଫ କରିଛି ।