ଭୁବନେଶ୍ବର:ଛାତ୍ରଛାତ୍ରୀଙ୍କ ପାଠପଢ଼ାରେ ପୁଣି ବ୍ୟାଘାତ ଆଣିଛି ମହାମାରୀ କୋରୋନାର ଦ୍ବିତୀୟ ଲହର। ହୁହୁ ହୋଇ ବୃଦ୍ଧି ପାଉଛି କୋରୋନା ସଂକ୍ରମଣ। ରାଜ୍ୟରେ ଦୈନିକ ସଂକ୍ରମଣ 6 ହଜାର ପାର ହୋଇଛି। ଏହାକୁ ଦୃଷ୍ଟିରେ ରଖି ସମସ୍ତ ଶିକ୍ଷାନୁଷ୍ଠାନ ବନ୍ଦ କରାଯାଇଥିବା ବେଳେ ପରୀକ୍ଷାକୁ ମଧ୍ୟ ବାତିଲ କରାଯାଇଛି । ତେବେ ପରୀକ୍ଷା ବାତିଲ ହେବାପରେ ଏବେ ଛାତ୍ରଛାତ୍ରୀ କେଉଁ ଆଧାରରେ ଓ କିଭଳି ଆଡମିଶନ କରିବେ ସେନେଇ ଦ୍ବନ୍ଦରେ ପଡ଼ି ଯାଇଛନ୍ତି।
ଯୁକ୍ତଦୁଇ ଆଡମିଶନକୁ ନେଇ ଦ୍ଵନ୍ଦ, ଭବିଶ୍ୟତ ଚିନ୍ତାରେ ଛାତ୍ରଛାତ୍ରୀ-ଅଭିଭାବକ
କେଉଁ କଲେଜରେ ଆଡମିଶନ କରିବେ ଓ କିଭଳି ରହିବ ମାର୍କ ସିଟର ପ୍ରଣାଳୀ ସେନେଇ ଦ୍ଵନ୍ଦରେ ରହିଛନ୍ତି ଛାତ୍ରଛାତ୍ରୀ । କେବଳ ଛାତ୍ରଛାତ୍ରୀ ନୁହେଁ ଅଭିଭାବକମାନେ ମଧ୍ୟ ଦ୍ବନ୍ଦରେ ରହିଛନ୍ତି । କୋରୋନା ସଂକ୍ରମଣ ପରେ ସିବିଏସସି ବୋର୍ଡ ଏବଂ ବିଏସଇ ବୋର୍ଡ ବାତିଲ କରିଥିଲେ ଉଭୟ କେନ୍ଦ୍ର ଓ ରାଜ୍ୟ ସରକାର। ବର୍ତ୍ତମାନ କିଛି ଦିନ ମଧ୍ୟରେ ଆଡମିଶନ ହେବ । ଦଶମରୁ ଯୁକ୍ତଦୁଇରେ ଆଡମିଶନ କରିବେ ଛାତ୍ରଛାତ୍ରୀ । ଏହା କେତେଦୂର ଯଥାର୍ଥ ବୋଲି ପ୍ରଶ୍ନ କରିଛନ୍ତି ଅଭିଭାବକ ।