କଳାହାଣ୍ଡି: ଶେଷରେ ପୋଲିସ ବାନ୍ଧିଲା ରାଜସାକ୍ଷୀକୁ । ଯାହାକୁ ପୋଲିସ ରାଜସାକ୍ଷୀ କରି ଦୋଷୀଙ୍କୁ ଦଣ୍ଡ ଦେବାକୁ ପ୍ରସ୍ତୁତ ହେଉଥିଲା ସେହି ରାଜସାକ୍ଷୀ ହିଁ ମୁଖ୍ୟ ଖଳନାୟକ ଓ ଦୁଷ୍କର୍ମକାରୀ ବୋଲି ଜୁନାଗଡ ଗଣଦୁଷ୍କର୍ମ ପୀଡିତା ଅଭିଯୋଗ କରିବା ପରେ ଶନିବାର ଲଳିତେନ୍ଦ୍ର ଶବରକୁ ପୋଲିସ ଗିରଫ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଶୁକ୍ରବାର ଜୁନାଗଡ ଗଣଦୁଷ୍କର୍ମ ମାମଲାର ପୀଡିତା କିଛି ଗଣମାଧ୍ୟମକୁ କହିଥିଲେ ଯେ ବସ ଚାଳକ ଲଳିତେନ୍ଦ୍ର ଶବରହିଁ ତାଙ୍କୁ ପ୍ରଥମେ ଦୁଷ୍କର୍ମ କରିଥିଲା । ପରେ ଅନ୍ୟମାନେ ଜଣେ ପରେ ଜଣେ ଦୁଷ୍କର୍ମ କରିଥିଲେ । ଏପରିକି ଥାନାରେ ଏତଲା ନଦେବା ପାଇଁ ପୀଡିତାଙ୍କୁ ଚାପ ପକାଇଥିଲେ ବୋଲି କହିଥିଲେ । ଯାହାର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଥିଲା । ଏହି ଭିଡିଓ ଆଧାରରେ ଧାରା ୧୬୧ରେ ପୋଲିସ ପୀଡିତାଙ୍କର ସାନି ବୟାନ ରେର୍କଡ କରିଥିଲା ।