ଭୁବନେଶ୍ବର:ଆଲୋକମୟ ଏକାମ୍ର କ୍ଷେତ୍ର । ଲିଙ୍ଗରାଜ ମନ୍ଦିର ପାଇଁ ସ୍ବତନ୍ତ୍ର ଆଇନ ଉପରେ ମୋହର ଲାଗିବା ପରେ ମନ୍ଦିର ସମ୍ମୁଖରେ ସମୂହ ଦୀପଦାନ ଉତ୍ସବ ପାଳିତ ହୋଇଛି । ମନ୍ଦିର ପରିସରରେ ଝୋଟି ପକାଇ ମହାଦେବଙ୍କ ପାଇଁ ପ୍ରାୟ ୧୦ ହଜାର ଦୀପ ଦାନ ହୋଇଛି । ଏହାସହ ମୁଖ୍ୟମନ୍ତ୍ରୀଙ୍କ ଏଭଲି ନିଷ୍ପତ୍ତିକୁ ସ୍ବାଗତ କରିଛନ୍ତି ସେବାୟତ ଓ ସ୍ଥାନୀୟ ବାସିନ୍ଦା ।
ଲିଙ୍ଗରାଜ ମନ୍ଦିରରେ ସମୂହ ଦୀପଦାନ, ସାମିଲ ହେଲେ ମନ୍ତ୍ରୀ ବିଧାୟକ
ଏହି ଦୀପଦାନ ଉତ୍ସବରେ ଆଇନ ମନ୍ତ୍ରୀ ପ୍ରତାପ ଜେନା, ମନ୍ତ୍ରୀ ଅଶୋକ ପଣ୍ଡା, ଭୁବନେଶ୍ବର ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ଭୁବନେଶ୍ବର ଉତ୍ତର ବିଧାୟକ ସୁଶାନ୍ତ ରାଉତଙ୍କ ସହ ମନ୍ଦିର ସେବାୟତ, ଦେବୋତ୍ତର ବିଭାଗ ଓ ସ୍ଥାନୀୟ ବାସିନ୍ଦା ସାମିଲ ହୋଇଥିଲେ । ସ୍ବତନ୍ତ୍ର ଆଇନ ଆସିବା ପରେ, ମନ୍ଦିର ପରିଚାଳନା କମିଟି ଗଠନ, କମିଟିର ସଭ୍ୟ ସଂଖ୍ୟା, କମିଟିର ଦାୟିତ୍ବ, ପରିଚାଳକଙ୍କ ଦାୟିତ୍ବ ଓ କ୍ଷମତା, ମନ୍ଦିରର ସ୍ଥାବର ଓ ଅସ୍ଥାବର ସମ୍ପତିର ସୁରକ୍ଷା, ସେବକଙ୍କ ଭୂମିକା, ମନ୍ଦିର ପାଣ୍ଠି ଗଠନ ଇତ୍ୟାଦି ଅଧିନିୟମ ଅନୁଯାୟୀ ହେବ ।