ଭୁବନେଶ୍ବର: ଶିକ୍ଷା ବିଭାଗର ବିକଳ ଚିତ୍ର। ସରକାରୀ ବିଦ୍ୟାଳୟରେ କିଭଳି ଚାଲିଛି ପାଠପଢ଼ା। ଆଗରୁ ଗଣମାଧ୍ୟମ ଦେଖାଉଥିଲା ଏବେ ଖୋଦ ଶିକ୍ଷାମନ୍ତ୍ରୀ ଦେଖିଲେ। ଆଉ ସ୍ଥିତି ଦେଖି ମନ୍ତ୍ରୀଙ୍କ ବୁଦ୍ଧି ଅକଲଗୁଡୁମ। ବାସ୍ତବରେ କେଉଁଠି ରହୁଛି ସମସ୍ୟା ସେନେଇ ନିଜକୁ ଏସି ରୁମରେ ଆବଦ୍ଧ ନରଖି ଗଣଶିକ୍ଷା ମନ୍ତ୍ରୀ ସମୀର ଦାସ ଯାଇଥିଲେ ଭୁବନେଶ୍ବର ଉପକଣ୍ଠ ଜଟଣୀ ବ୍ଳକର ଯାଆଁଳା ନୋଡାଲ ସ୍କୁଲକୁ।
ପଢିପାରୁନାହାଁନ୍ତି ଓଡିଆ, କହିପାରୁନାହାଁନ୍ତି ପଣିକିଆ
ହଠାତ ସ୍କୁଲକୁ ଯିବାବେଳେ ସମୟ 11ଟା ପରେ ହୋଇଥିଲେ ବି ପ୍ରଧାନ ଶିକ୍ଷୟିତ୍ରୀଙ୍କର ଦେଖାନଥିଲା। ପ୍ରଧାନ ଶିକ୍ଷୟିତ୍ରୀ ସାଧ୍ୟରାଣୀ ସେଠ ନିୟମିତ ଭାବେ ବିଳମ୍ବରେ ଆସୁଥିବା ଅଭିଯୋଗ ହୋଇଛି। ସବୁ ଜାଣିବା ପରେ ତାଙ୍କ ଦରମା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ। ଏଥିସହିତ ଆଉ କିଛି ଶିକ୍ଷକ ଓ ଶିକ୍ଷୟିତ୍ରୀ ବି ଅନୁପସ୍ଥିତ ଥିବା ଜଣାପଡିଛି ।