ଭୁବନେଶ୍ବର: କୋରୋନାକୁ ନେଇ ଭିଡ ଜାଗାରେ ନରହିବାକୁ ପରାମର୍ଶ ଦିଆଯାଉଥିବାବେଳେ ବସରେ ଭିଡକୁ ଲକ୍ଷ ରଖି ସରକାର ପଦକ୍ଷେପ ନେଇଛନ୍ତି । ବିଭିନ୍ନ ବିଭାଗ ଅଧିକାରୀ ଓ ଘରୋଇ ବସ ମାଲିକ ସଙ୍ଘ ସହିତ ଆଲୋଚନା କରାଯାଇଛି । ପ୍ରତି ଜିଲ୍ଲାର ବସଷ୍ଟାଣ୍ଡରେ ସ୍ବଛତା ଉପରେ ଗୁରୁତ୍ବ ଦେବା ନେଇ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି ।
ବସଷ୍ଟାଣ୍ଡରେ ଦିଆଯିବ ମାସ୍କ, ଆରଟିଓ ଅଫିସରେ ଭିଡ ନ ଜମେଇବାକୁ ପରାମର୍ଶ
ଏହାସହ ପୂର୍ବାପେକ୍ଷା ଲୋକଙ୍କ ସଂଖ୍ୟା କମହେଉଥିବାରୁ ମାସ୍କ ଯୋଗାଇଦେବା ଉପରେ ଗୁରୁତ୍ବ ଦିଆଯାଉଛି । ବସଷ୍ଟାଣ୍ଡ ଗୁଡିକରେ କିପରି ମାସ୍କ ଯୋଗାଇ ଦିଆଯିବ ସେନେଇ ଆଲୋଚନା କରାଯାଇଛି ବୋଲି ସେ କହିଛନ୍ତି । ସେହିପରି ଆରଟିଓ ଅଫିସ ଭିଡ ଉପରେ ବି ଲଗାମ ଲଗାଇବେ ସରକାର। ଦିନକୁ 50 ଭିତରେ ଲୋକଙ୍କୁ ସୀମିତ ରଖିବାକୁ ପ୍ରୟାସ କରାଯିବ ବୋଲି ମଧ୍ୟ ସେ ଦର୍ଶାଇଛନ୍ତି ।