ଭୁବନେଶ୍ବର: ରାଜଧାନୀ ଛାତିରେ ବିଛେଇ ହୋଇ ରହିଛି ଅନେକ ଡ୍ରେନ । କେଉଁଠି ସ୍ୱରେଜ କାମ ଚାଲିଥିବାରୁ ମୁକୁଳା ପଡିଛି ମ୍ୟାନ ହୋଲ । ତ ଆଉ କେଉଁଠି ବିଏମସିର ଅବହେଳାରୁ ଫୁଙ୍ଗୁଳା ପଡିଛି ଡ୍ରେନ । ଆଇଜି ପାର୍କ ନିକଟ ଡ୍ରେନରେ ଦୁର୍ଭାଗ୍ୟକୁ ଗତକାଲି ଗଳି ପଡିଥିଲା ଗୋଟେ ବୁଲା କୁକୁର । ଡ୍ରେନଟି ଗଭୀର ଥିବାରୁ ସେଠାରୁ ବାହାରିପାରିନଥିଲା କୁକୁରଟି ।
ନୂଆ ଜୀବନ ପାଇଲା ବୁଲା କୁକୁର; ପଶୁ ପ୍ରେମ ଆଗରେ ହାର ମାନିଲା ଲକଡାଉନ
ଅପରିତ୍ୟକ୍ତ ଅଞ୍ଚଳରେ ଡ୍ରେନ ଥିବାରୁ ସାଧାରଣ ଲୋକଙ୍କର ନଜର ବି ଯାଇନି । ନିଜକୁ ମୁକୁଳାଇବା ଲାଗି ଆପ୍ରାଣେ ଉଦ୍ୟମ କରିଥିଲା କୁକୁର । ହେଲେ ତାର ସବୁ ଉଦ୍ୟମ ଯେମିତି ଫେଲ ମାରିଥିଲା । ଅନେକ ସମୟ ପରେ ସୌଭାଗ୍ୟକୁ ସେହି ବାଟ ଦେଇ ଯାଉଥିବା ବ୍ୟକ୍ତିଙ୍କ କାନରେ ବାଜିଥିଲା କୁକୁରର ବୋବାଳି । କୁକୁରର ଏପରି ଅବସ୍ଥା ଦେଖି ସ୍ପିକ ଫର ଆନିମଲ ସହ ଯୋଗାଯୋଗ କରିଥିଲେ ଉକ୍ତ ବ୍ୟକ୍ତି ଜଣଙ୍କ ।