ଭୁବନେଶ୍ବର:ହଜିଯାଇଥିବା ATM ରାସ୍ତାରୁ ପାଇଲେ । ଲୋଭର ବଶବର୍ତ୍ତୀ ହୋଇ ଟଙ୍କା ବି ଉଠେଇଲେ । ହେଲେ ପରେ ବିବେକ ବାଧା ଦେବାରୁ ଉଠାଇଥିବା ୨୪ ହଜାର ଟଙ୍କା ଓ ATM ଲକ୍ଷ୍ମୀସାଗର ଥାନାରେ ଫେରାଇଲେ । ଏଭଳି ଏକ ଘଟଣା ଲକ୍ଷ୍ମୀସାଗର ଥାନା ଅଞ୍ଚଳରେ ଦେଖିବାକୁ ମିଳିଛି ।
ଗତ ସୋମବାର ବିଜେବି ନଗରର ଏକ ପାର୍କ ପାଖରେ ଏଟିଏମ କାର୍ଡଟି ପଡି଼ଥିବା ଦେଖିବାକୁ ପାଇଥିଲେ ଦୁର୍ଗା ଚରଣ ଦାସ । କାର୍ଡ ପାଇବା କ୍ଷଣି ନିକଟସ୍ଥ କାଉଣ୍ଟରକୁ ଯାଇ ୨୪ ହଜାର ଟଙ୍କା ଉଠାଇଥିଲେ । ପରେ ନିଜର ବିବେକ ବାଧା ଦେବାରୁ ଏଟିଏମ କାର୍ଡ଼ ଓ ଟଙ୍କା ନେଇ ଥାନାରେ ଦାଖଲ କରିଥିଲେ ଦୁର୍ଗା । ପରେ ପୋଲିସ ସହାୟତାରେ କାର୍ଡଟିକୁ ତାର ପ୍ରକୃତ ମାଲିକଙ୍କୁ ଫେରାଇଥିଲା ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
