ଭୁବନେଶ୍ବର: ପେଶାରେ ଜଣେ ଚା ବ୍ୟବସାୟୀ ଧୀରେନ। ଚାହା ମାଧ୍ୟମରେ ପ୍ରତିଦିନ ନିଜର ଗୁଜରାଣ ମେଣ୍ଟାଇ ଥାଆନ୍ତି । ଆହୁରି ମଧ୍ୟ ସେଥିରୁ କିଛି ପଇସା ସଞ୍ଚୟ କରି ଜରୁରୀ ଅବସ୍ଥାରେ କୌଣସି ବ୍ୟକ୍ତିକୁ ବିପଦ ସମୟରେ ସାହାଯ୍ୟ କରିବାକୁ ରଖିଥାନ୍ତି ।
ସଞ୍ଚିତ ଅର୍ଥରୁ ଚା ବିସ୍କୁଟ ବାଣ୍ଟୁଛନ୍ତି ଧୀରେନ
ତେବେ ବର୍ତ୍ତମାନ ରାଜ୍ୟସାରା ଲକଡାଉନ ଯୋଗୁଁ ନିଜର ବ୍ୟବସାୟ ବନ୍ଦ ରହିଛି । ତେବେ ଏହି ସମୟରେ ଅତ୍ୟାବଶ୍ୟକ ସେବାରେ ପୋଲିସ, ମିଡିଆ, ବିଏମସି ଭଳି କର୍ମଚାରୀମାନେ ନିୟମିତ ତାଙ୍କର କର୍ତବ୍ୟ କରୁଛନ୍ତି । ଏମାନଙ୍କ ମଧ୍ୟରୁ ଅଧିକାଂଶଙ୍କ ଚା ପିଇବାର ଅଭ୍ୟାସ ଥାଏ । ତେବେ ଦୋକାନ ବଜାର ବନ୍ଦ ଯୋଗୁଁ ସେମାନେ ଏଥିରୁ ବଞ୍ଚିତ ହେଉଛନ୍ତି ।