ଭୁବନେଶ୍ବର: ରାଜଧାନୀରେ ବନ୍ଧୁକଧାରୀ ଯୁବକର ଉତ୍ପାତ। ମୁଣ୍ଡରେ ବନ୍ଧୁକ ଲଗାଇ ଫୁଟାଇଦେବାର ଦେଉଛି ଧମକ । ଗାଡି ସାଇଡ ନହେଲେ ଫୁଟେଇଦେବି ବୋଲି ଦେଇଛି ଧମକ । ଯାହାକୁ ନେଇ ଯୁକ୍ତିତର୍କ ପରେ ଘେରିଯାଇଥିଲେ କିଛି ଯୁବକ ।ଏମିତିକିଛି ଘଟଣା ଘଟିଥିଲା ରସୁଲଗଡ ଛକ ନିକଟରେ ।
ଶେଷରେ ପୋଲିସ ଡକାଇ ଏଭଳି ଆତଙ୍କ ସୃଷ୍ଟି କରିଥିବା ଯୁବକକୁ ପୋଲିସ ରଖିଛି ଅଟକ । ସମ୍ପୃକ୍ତ ଯୁବକର ନା ଅରବିନ୍ଦ ମିଶ୍ର । ସେ ରଖିଥିବା ବନ୍ଧୁକର ଲାଇସେନ୍ସ ଥିବା ଜଣା ପଡିଛି । ତେବେ ସର୍ବସାଧାରଣରେ ଏପରି ବନ୍ଧୁକ ଦେଖାଇ ଆତଙ୍କ ସୃଷ୍ଟି କରିବା ନେଇ ଲାଇ ସେନ୍ସ ରଦ୍ଦ ପାଇଁ ସମ୍ପୃକ୍ତ ଯୁବକକୁ ନୋଟିସ କରିପାରେ ପୋଲିସ । ତେବେ ଦେଖିବାର କଥା ଆଗକୁ ଏଭଳି ଲାଇସେନ୍ସପ୍ରପ୍ତ ବନ୍ଧୁକଧାରୀ ଉପରେ ଲାଇସେନ୍ସ ଦେବା ପରେ ନଜର ରଖୁଛି କି ନାହିଁ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ