ଭୁବନେଶ୍ଵର: ଭରତପୁର ଘାଟିକିଆରେ ସରସ୍ବତୀ ଦାସଙ୍କ ହତ୍ୟା ଘଟଣାରେ ସ୍ବାମୀ ସଞ୍ଜିତ ଦାଶକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଜାଣିବାକୁ ପାଇଛି କିଭଳି ସ୍ବାମୀ ସାଜିଥିଲା ସଇତାନ । ପତ୍ନୀର ଜୀବନ ନେବା ପରେ ନିଜର ଝିଅ ବେକ କାଟିଥିଲା ପିଶାଚ ବାପା । ସମ୍ପୂର୍ଣ୍ଣ ହତ୍ୟାର କାହାଣୀ ବଖାଣିଛି ହତ୍ୟାକାରୀ ସ୍ବାମୀ । କାହିଁକି ହୋଇଥିଲା ନରପିଶାଚ ? କେମିତି ପତ୍ନିର ଜୀବନ ନେବା ସହ କୁନି ଝିଅର କାଟିଥିଲା ବେକ ? ପୋଲିସ ଆଗରେ ବଖାଣିଛି କାଳରାତିର କଳାକାହାଣୀ । ପୁଅ ନ ହେବାରୁ ସ୍ବାମୀ ପାଲଟିଯାଇଥିଲା ସଇତାନ। କେବଳ ସେତିକି ନୁହେଁ, ଜନ୍ମ ଦେଇଥିବା ମାତ୍ର ୪ ଦିନର ଶିଶୁ କନ୍ୟାର ବେକ କାଟି ହତ୍ୟା ଉଦ୍ୟମ ମଧ୍ୟ କରିଥିଲା । ଶେଷରେ ସ୍ତ୍ରୀ ଅଟକାଇବାରୁ ଅତି ବିଭତ୍ସ ଭାବେ ସ୍ତ୍ରୀକୁ ହତ୍ୟା କଲା ।
ପୁଅ ହେଲାନି ବୋଲି ସ୍ତ୍ରୀକୁ ହତ୍ୟା କରିଥିଲା ସ୍ବାମୀ ସ୍ତ୍ରୀ ହତ୍ୟା ପରେ ଏବେ ଝରୁଛି ଅନୁତାପର ଲୁହ । ପୋଲିସକୁ ପଚାରୁଛି ‘ବଡ ଝିଅ କେମିତି ଅଛି?’ ଗତ ୮ ତାରିଖ ରାତି ୨ଟା ୩୦ରେ ସ୍ବାମୀ-ସ୍ତ୍ରୀଙ୍କ ପାରିବରିକ କଥାକୁ ନେଇ ଝଗଡା ହୋଇଥିଲା । ଆଉ ଦୀର୍ଘ ସମୟର କଳି ପରେ ସଞ୍ଜିତ ରାଗିଯାଇଥିଲା ଏବଂ ଭୋର ୩ଟା ସମୟ ବେଳକୁ ଧାରୁଆ ଛୁରୀରେ ହତ୍ୟା କରିଥିଲା । ଏପରିକି ସକାଳେ ବଡ଼ ଝିଅ ଉଠିବା ପରେ ମା’କୁ ଖୋଜୁ ଖୋଜୁ ରକ୍ତାକ୍ତ ଅବସ୍ଥାରେ ଦେଖିବାରୁ ତାକୁ ବି ଆକ୍ରମଣ କରିଥିଲା ସଞ୍ଚିତ । ଆହତ ଅବସ୍ଥାରେ ବଡ ଝିଅକୁ କବାଟ ବନ୍ଦ କରି ତାଙ୍କ ମାଆକୁ ହତ୍ୟା କରିଥିବା କଥା କହି ବାହରକୁ ପଳାଇଥିଲେ । ଏଟିଏମ ଛାଡି ଦେଇଥିବାରୁ ପୁଣିଥରେ ଘରକୁ ଆସି ଏଟିଏମ ନେଇକି ଯାଇଥିଲେ । ଆଉ ଠିକ ସମୟରେ ଖବର ପାଇ ପୋଲିସ ତାକୁ କାବୁ କରିଥିଲା । ରକ୍ତ ଲଗା ଛୁରି ଜବତ କରିବା ସହ ରକ୍ତ ଲଗା ଗାମୁଛା ଜବତ କରିଥିଲା ପୋଲିସ । ବଡ ଝିଅ ଆହତ ହୋଇ ଏବେ ହସ୍ପିଟାଲରେ ଥିବ ବେଲେ ୪ ଦିନର ଝିଅକୁ ବଡ ଭାଇ ପରିବାର ଆଦରି ନେଇଛନ୍ତି ।
ଇଟିଭି ଭାରତ, ଭୁବନେଶ୍ବର
