ଭୁବନେଶ୍ବର: ବଙ୍ଗୋପସାଗର(Bay Of Bengal)ରେ ଦାନା ବାନ୍ଧୁଛି ଆଉ ଏକ ଲଘୁଚାପ(Low Pressure) । ୨୯ ତାରିଖ ମଧ୍ୟରେ ଦକ୍ଷିଣ ଅଣ୍ଡାମାନ ସାଗରରେ ଲଘୁଚାପ କ୍ଷେତ୍ର ସୃଷ୍ଟି ନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ(IMD) । ପ୍ରଭାବରେ ଡିସେମ୍ବର 3 ରୁ ଲାଗି ରହିବ ବର୍ଷ । ଉଭୟ ଉତ୍ତର ଓ ଦକ୍ଷିଣ ଓଡିଶାକୁ ସତର୍କ ସୂଚନା ।
IMDର ପୂର୍ବାନୁମାନ ଅନୁଯାୟୀ ଲଘୁଚାପ କ୍ଷେତ୍ର ସୃଷ୍ଟିର ପରବର୍ତ୍ତୀ ୪୮ ଘଣ୍ଟା ମଧ୍ୟରେ ଘନୀଭୂତ ହୋଇ ଅଧିକ ସ୍ପଷ୍ଟ ହେବ ଏବଂ ଓଡିଶା ଉପକୂଳ ଛୁଇଁବ । ଏହାର ପ୍ରଭାବରେ ଡିସେମ୍ବର 3 ରୁ ପ୍ରବଳ ବର୍ଷା ଆରମ୍ଭ ହୋଇଯିବ । ଏପରିକି ସମ୍ଭାବ୍ୟ ଲଘୁଚାପ ଅଧିକ ଘନୀଭୂତ ହୋଇ ଅବପାତର ରୁପ ମଧ୍ୟ ନେଇପାରେ । ଏହାର ପ୍ରଭାବରେ ଡିସେମ୍ବର 3 ରୁ 5 ମଧ୍ୟରେ ଉପକୂଳ ଜିଲ୍ଲା ଗୁଡିକରେ ବର୍ଷାର ପ୍ରଭାବ ଜାରି ରହିବ । ସତର୍କ ସୂଚନା ଜାରି କରାଯାଇଥିବା ଜିଲ୍ଲାଗୁଡିକ ହେଉଛି ବାଲେଶ୍ବର, ଭଦ୍ରକ, କେନ୍ଦ୍ରାପଡା, ଯାଜପୁର, ଜଗତସିଂହପରୁ, ଖୋର୍ଦ୍ଧା, ପୁରୀ ନୟାଗଡ ଓ ଗଞ୍ଜାମ ।