ଭୁବନେଶ୍ବର: ଦେଶ ସ୍ବାଧୀନତାର ୭୫ ବର୍ଷରେ ପାଦ ଦେଇଥିବାବେଳେ କେନ୍ଦ୍ର ସରକାରଙ୍କ ପକ୍ଷରୁ ପାଳନ କରାଯାଉଛି ’ଆଜାଦି କା ଅମୃତ ମହତ୍ସୋବ’ କାର୍ଯ୍ୟକ୍ରମ । ତେବେ ଏହାକୁ ସାଧାରଣ ଲୋକଙ୍କ ନିକଟରେ ପହଞ୍ଚାଯାଇ ଆହୁରି କ୍ରିୟାଶୀଳ କରିବା ତଥା ଦେଶବାସୀଙ୍କ ମଧ୍ୟରେ ଜାତୀୟତା ଆନ୍ଦୋଳନର ସଚେତନତା ଓ ଦେଶାତ୍ମକ ଭାବନା ସୃଷ୍ଟି କରିବା ଦିଗରେ କେନ୍ଦ୍ର ଏହି ସରକାର ପ୍ରୟାସ ଆରମ୍ଭ କରିଛନ୍ତି ।
ସେହିପରି ଏହି ମହତ୍ସୋବକୁ ପ୍ରସାରଣ କରିବା ଓ ଏହାର ଉଦ୍ଦେଶ୍ୟ ସମ୍ପର୍କରେ ଦେଶବାସୀଙ୍କୁ ଅବଗତ କରାଇବାରେ ଗଣମାଧ୍ୟମର ବଳିଷ୍ଠ ଭୂମିକା ରହୁଛି । ତେଣୁ ଏହି ମହତ୍ସୋବ ନେଇ ଦେଶର ବିଭିନ୍ନ ପ୍ରାନ୍ତରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଉଛି । ତେବେ ଏହି ସବୁ କାର୍ଯ୍ୟକ୍ରମକୁ ଗଣମାଧ୍ୟମରେ ପ୍ରସାରଣ ପାଇଁ ମାର୍ଗଦର୍ଶିକା ଜାରି କରିଛନ୍ତି କେନ୍ଦ୍ର ସରକାର । କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଏକ ପ୍ରେସବାର୍ତ୍ତାରେ ଏନେଇ ବିସ୍ତୃତ ସୂଚନା ଦିଆଯାଇଛି ।