ଭୁବନେଶ୍ବର: ଏ ହେଉଛି ଭୁବନେଶ୍ବରର କଳ୍ପନା ଛକ ପେଟ୍ରୋଲ ପମ୍ପ । ଦେଖନ୍ତୁ ଦିନ ୧ଟା ବେଳେ ଏଠି ଲାଇନରେ ଲୋକେ ତେଲ ପକାଉଛନ୍ତି। ଖାଲି ପେଟ୍ରୋଲ ପମ୍ପ ନୁହେଁ ଭୁବନେଶ୍ବରର ବିଭିନ୍ନ ଛକ ଉପରେ ଧାଡ଼ିକି ଧାଡି ଗାଡି ଲକଡାଉନରେ ଭ୍ରମ ସୃଷ୍ଟି କରୁଛି । ଲାଗୁଛି ଏହା ଲକଡାଉନ ୩.0 ର ଦୃଶ୍ୟ ନୁହେଁ ବରଂ ଏହା କୌଣସି ସ୍ବଭାବିକ ଦିନର ଦୃଶ୍ୟ।
ରାଜଧାନୀରେ ଲକଡାଉନ ପ୍ରଭାବହୀନ !
ରାଜ୍ୟରେ କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ଜୁନ ୧ ତାରିଖ ଠାରୁ ସାରା ରାଜ୍ୟରେ ଆରମ୍ଭ ହେଲା ଲକଡାଉନ 3.0। ଲୋକମାନେ ଘରୁ ବାହାରିବା ପାଇଁ ଜାରି ହୋଇଛି କଟକଣା । ହେଲେ ଏଭଳି ସ୍ଥିତିରେ ଚାରିଆଡେ ଲୋକ କୋଭିଡ ନିୟମକୁ ବେଖାତିର କରୁଛନ୍ତି ।