ଭୁବନେଶ୍ବର: ରାଜଧାନୀରେ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର । ହଷ୍ଟେଲରୁ ମିଳିଲା ଏମଇଡି ଛାତ୍ରୀଙ୍କ ମୃତଦେହ । ନୟାପଲ୍ଲୀ ଥାନା ଅନ୍ତର୍ଗତ ବେହେରା ସାହି ପ୍ଲଟ ନମ୍ବର ୧୮୨୦ ରେ ଥିବା ଲେଡିଜ ହଷ୍ଟେଲରୁ ଉଦ୍ଧାର ହୋଇଛି ଛାତ୍ରୀଙ୍କ ମୃତଦେହ । ମୃତ ଛାତ୍ରୀ ହେଲେ ପ୍ରଜ୍ଞା ପ୍ରିୟଦର୍ଶିନୀ ସାହୁ। ତାଙ୍କ ଘର ଯାଜପୁର ସୁକିନ୍ଦାରେ ବୋଲି ଜଣାପଡିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର ତେବେ ମୃତ ଛାତ୍ରୀଙ୍କ ପାଦ ନିକଟରେ ଏକ ଇୟରଫୋନ ପଡିଥିବା ବେଳେ ଛାତ୍ରୀ ଜଣକ ଫୋନରେ କଥାହୋଇ ଆତ୍ମହତ୍ୟା କରିଥାଇପାରନ୍ତି ବୋଲି ସନ୍ଦେହ କରାଯାଉଛି । ମୃତଦେହ ନିକଟରୁ ମୋବାଇଲ ଫୋନ ଜବତ କରାଯାଇଥିବା ବେଳେ କେଉଁ କାରଣରୁ ଆତ୍ମହତ୍ୟା କରିଛନ୍ତି ଏଯାଏଁ ସ୍ପଷ୍ଟ ହୋଇନି ।
ଘଟଣାସ୍ଥଳରେ ନୟାପଲ୍ଲୀ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୋବାଇଲରୁ ଲାଷ୍ଟ କଲ ବିଷୟରେ ଛାତ୍ରୀଙ୍କ ପାଖରେ ରହୁଥିବା ଅନ୍ତେବାସୀଙ୍କୁ ପଚରାଉଚରା କରିଛି ପୋଲିସ । ତେବେ ଦୁଇ ଦିନରେ ରାଜଧାନୀରେ ଗଲାଣି ଦୁଇ ଦୁଇଟି ଜୀବନ ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
