ଭୁବନେଶ୍ବର: ରହସ୍ୟ ଘେରରେ ଲିଙ୍ଗିପୁର ଏସବିଆଇ ଏଟିଏମ ଲୁଟ ଘଟଣା । କମିସନରେଟ ପୋଲିସର ତଦନ୍ତକୁ ନେଇ ପ୍ରଶ୍ନ ଉଠାଇଛନ୍ତି ଆଇନଜୀବୀ । ଘଟଣାରେ ଲୁଟ ହୋଇଥିବା ଟଙ୍କା ଏଯାଏଁ ମିଳିନଥିବା ବେଳେ ୨୩ଲକ୍ଷ ଟଙ୍କା ବାଂଲାଦେଶ ପଠାଯିବା ଘଟଣାକୁ ସହଜରେ ହଜମ କରିପାରୁନାହାନ୍ତି ଵରିଷ୍ଠ ଆଇନଜୀବୀ । ପୋଲିସର ତଦନ୍ତ ପ୍ରକ୍ରିୟାକୁ ନେଇ ଉଠାଇଛନ୍ତି ପ୍ରଶ୍ନ ।
ଯାହାକୁ ନେଇ ଇଣ୍ଟରନାସନାଲ ଗ୍ୟାଙ୍ଗ ପାଇଁ ମିଶନ ଇମ୍ପୋସିବଲର କାହାଣି ଓ ଏଥିପାଇ ଇଣ୍ଟରପୋଲ ସହାୟତା ନେବା ଭଳି ଘଟଣାର କାହାଣୀ ତିଆରି କରିବା ଏଵେ କମିସନରେଟ ପୋଲିସ ସ୍ବଚ୍ଛ ଭାବମୂର୍ତ୍ତି ଉପରେ ପ୍ରଶ୍ନ ଠିଆ କରିଛି । କେବଳ ଏଇ ଘଟଣାରେ ଏପରି କାହାଣୀ ରଚାଯାଇଛି ନା ଏଭଳି ଗିରଫ କରୁଥିବା ଅଭିଯୁକ୍ତଙ୍କୁ ମିଛ କାହାଣୀ ତିଆରି କରି ଫସାଇଦିଆଯାଉଛି, ଯାହା ଏବେ ଓଡିଶା ପୋଲିସର ସ୍ବତନ୍ତ୍ର ପୋଲିସ କମିସନରେଟ ପୋଲିସକୁ ନେଇ ପ୍ରଶ୍ନ ଉଠିଛି ।
ପୂର୍ବରୁ କମିସନରେଟ ପୋଲିସ ଫେକ ଷ୍ଟୋରି କାହାଣୀ ମଧ୍ୟ ସାମ୍ନାକୁ ଆସିଛି । ଏୟାରପୋର୍ଟ ଥାନାରେ ସମାଜ ସେବୀ ମମତା ସାମନ୍ତରାୟଙ୍କ ନାରେ ଫଲ୍ସ କେସରେ ଦାଖଲ ହୋଇଥିବା ଚାର୍ଜସିଟ କରିବା ଘଟଣା ମଧ୍ୟ ଅଡୁଆ ସୃଷ୍ଟି କରିଥିଲା । ସେହି ଘଟଣାରେ କମିସନରେଟ ପୋଲିସ ନିରିହ ଲୋକଙ୍କୁ ଫସାଉଛି ବୋଲି ପ୍ରେସମିଟ ଜରିଆରେ ଅଭିଯୋଗ ଆଣିଥିଲେ ସୂଚନା ଅଧିକାରକର୍ମୀ ଜୟନ୍ତ ଦାସ । ସେହିଭଳି ପୂର୍ବରୁ କ୍ୟାପିଟାଲ ଥାନାରେ ଥିବା ଜଣେ ତତ୍କାଳୀନ ସବ ଇନସ୍ପେକ୍ଟରଙ୍କ ଏକ ଅଡିଓ ଭାଇରାଲ ଘଟଣା ସାମ୍ନାକୁ ଆସିଥିଲା । ସେତେବେଳେ କିପରି ଅଭିଯୁକ୍ତଙ୍କୁ ଫସାଇବା ପାଇଁ ଲୁହାରଡ ଓ ମାରଣାସ୍ତ୍ର ଯୋଗାଡ କରିଥିଲା ପୋଲିସ । ଏବେ ତମାମ ଘଟଣା ଧିରେ ଧିରେ ଧିରେ ସାମ୍ନାକୁ ଆସିବା ପରେ କମିସନରେଟ ପୋଲିସର ତଦନ୍ତକୁ ନେଇ ପ୍ରଶ୍ନ ଉଠିଛି ।