ସାଧାରଣତନ୍ତ୍ର ଦିବସ ଉପଲକ୍ଷେ ଆଲୋକମାଳାରେ ଝଲସୁଛି ରାଜଧାନୀ ଭୁବନେଶ୍ବର

ସାଧାରଣତନ୍ତ୍ର ଦିବସ ପାଇଁ ସମଗ୍ର ଦେଶ ସଜେଇ ହେଉଥିବାବେଳେ ରାଜଧାନୀ ଭୁବନେଶ୍ବରରେ ଥିବା ସରକାରୀ ଭବନ ଗୁଡିକ ଆଲୋକମାଳାରେ ସୁସଜ୍ଜିତ ହେଇଥିବା ଦେଖିବାକୁ ମିଳିଛି । ଅଧିକ ପଢନ୍ତୁ....

ଭୁବନେଶ୍ବର: ରାତି ପାହିଲେ ସାରା ଦେଶ ପାଳିବ 71 ତମ ସାଧାରଣତନ୍ତ୍ର ଦିବସ । ଏଥିପାଇଁ ସାରା ଦେଶରେ ଆନନ୍ଦ ଉତ୍ସାହ ଦେଖିବାକୁ ମିଳିଥିବାବେଳେ ରାଜଧାନୀ ଭୁବନେଶ୍ବରରେ ମଧ୍ୟ ଏହାର ମାହୋଲ ଦେଖିବାକୁ ମିଳିଛି । ଆଲକୋମାଳାରେ ଝଟକୁଛି ପୁରା ରାଜଧାନୀ ।

ରାଜଧାନୀର ପ୍ରାୟ ସରକାରୀ ଭବନ ଯଥା ଲୋକସେବା ଭବନ, ବିଧାନସଭା, ପୋଲିସ ଭବନ, ଖାରବେଳେ ଭବନ ସେମତେ ବିଭିନ୍ନ ବ୍ୟବସାୟ ପ୍ରତିଷ୍ଠାନ ଓ ବେସରକାରୀ ଆବାସମାନ ଆଲୋକମାଳାରେ ସଜ୍ଜିତ ହୋଇଥିବା ଦେଖିବାକୁ ମିଳୁଛି । ଯାହାକି ରାଜଧାନିବାସୀଙ୍କ ମନ ମୋହୁଥିବାବେଳେ ସାଧାରଣ ଲୋକଟିଏ ଏହା ଦେଖିବା ସହିତ ତାକୁ ନିଜ ମୋବାଇଲରେ କଏଦ କରିବା ପାଇଁ ମୁହୂର୍ତ୍ତେ ଅଟକି ଯାଉଛି । ଆସନ୍ତାକାଲି ଗାନ୍ଧୀ ମାର୍ଗରେ ରାଜ୍ୟସ୍ତରୀୟ ପରେଡ଼ ଆୟୋଜିତ ହେବାକୁ ଥିବାବେଳେ ଏହି ମାହୋଲ ସାଧାରଣ ଲୋକଙ୍କ ମନରେ ଦେଶ ପ୍ରେମର ଉତ୍ସାହ ଭରିଦେଉଛି ।

ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ