ଭୁବନେଶ୍ବର: ଦେଶ ତଥା ରାଜ୍ୟରେ ଶୀତର ପ୍ରକୋପ ଜାରି ରହିଥିବା ବେଳେ ରାଜଧାନୀବାସୀଙ୍କୁ ଭିଜାଇଛି ଅଦିନିଆ ମେଘ। ଯାହାକି ଲୋକଙ୍କ ମନରେ ଆହୁରି ଶୀତର ଭୟ ବଢ଼ାଇ ଦେଇଛି। ଲୋକେ ସାଧାରଣ ଭାବେ ଘରୁ ବାହାରିବାକୁ ଅନିଚ୍ଛା କରୁଥିବା ବେଳେ ଏହି ବର୍ଷା ବାହାରକୁ ଯିବାରେ ଯେପରି ରୋକ ଲଗାଇଛି।
ରାଜଧାନୀବାସୀଙ୍କୁ ଭିଜାଇଲା ଶୀତୁଆ ମେଘ
ଆଜି ପୂର୍ବାହ୍ନରେ ବର୍ଷାରେ ଭିଜିଛନ୍ତି ରାଜଧାନୀବାସୀ। ବର୍ଷା ଯୋଗୁଁ କିଛି ଲୋକ ଓଦା ହେବା ସହିତ ଜାଡ଼ରେ ଥରି ଥରି ନିଜ କାମରେ ଯାଉଥିବା ଦେଖିବାକୁ ମିଳିଛି। ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ଆସନ୍ତା ଶନିବାର ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ରହିଛି।